స్వాతంత్య్ర ఉద్యమం అనగానే మనం గాంధీ, సుభాష్ చంద్ర బోస్, భగత్ సింగ్, అల్లూరి సీతారామరాజు లాంటి పేర్లను మొదటగా చెబుతుంటాం. కానీ వీరందరికంటే ముందు మొట్ట మొదటిసారిగా బ్రిటిష్ వారిపై దాడి చేసిన ఎవ్వరికీ తెలియని తెలుగు వాడు, చరిత్రలో కనుమరుగైన రేనాటి వీరుడు ఉయ్యాలవాడ నరసింహారెడ్డి కథతో తెరకెక్కిన భారీ బడ్జెట్ పీరియాడికల్ ఫిల్మ్ ‘సైరా నరసింహారెడ్డి’. మెగాస్టార్ చిరంజీవి టైటిల్ రోల్ పోషిస్తున్న ఈ సినిమా అక్టోబర్ 2న విడుదల కానుంది.
ఇటీవలే జరిగిన సైరా ప్రీ రిలీజ్ వేడుకలో చిరంజీవి తెలుగు సినిమాని ప్రపంచ స్థాయికి తీసుకెళ్లిన డైరెక్టర్ రాజమౌళి గురించి కాస్త గట్టిగానే మాట్లాడారు. బాహుబలి సినిమా ఆయన చేయబట్టే ఈ సినిమా చేయగలిగాము అని చిరు అన్నారు. అలాగే టైటిల్ సాంగ్ ని కూడా ఆయన చేతే లాంచ్ చేయించారు. ఇంతలా ఎందుకు రాజమౌళిని పొగిడారా అని ఆరా తీస్తే.. సైరా ఫస్ట్ కాపీ రన్ టైం 177 నిమిషాలు అంటే 2 గంటలా 53నిమిషాలు. ఈ కాపీని కంప్లీట్ గా రాజమౌళికి చూపించి ఎడిట్ లో కాస్త హెల్ప్ చేయమన్నారు సైరా టీం. ఆయన కూడా ఎడిట్ లో కూర్చొని కొన్ని లాగ్స్ కట్ చేసి, కొన్ని విషయాల్లో ఆయన సలహా ఇచ్చారట. ఆయన సలహాల మేరకు మార్పులు చేసి ఫైనల్ గా సినిమా రిలీజ్ రన్ టైంని 2 గంటల 44 నిమిషాలకు తెచ్చారు. తన సినిమాల్లో అస్సలు బోర్ కొట్టకుండా చూసుకునే రాజమౌళి అనుభవం ఈ సినిమా ఫైనల్ కట్ కి బాగా హెల్ప్ అయ్యిందని ఈ చిత్ర టీం చెబుతోంది.
ఇలా రాజమౌళి సైరా ఫైనల్ టచ్ ఇచ్చి తనదైన సాయం చేయడంతో ఈ చిత్ర టీం ఆయనకీ స్పెషల్ థాంక్స్ చెప్పడమే కాకుండా ప్రీ రిలీజ్ ఈవెంట్ లో కూడా ఆయనకీ ప్రత్యేక స్థానం ఇచ్చారు. రామ్ చరణ్ నిర్మించిన ఈ సినిమాలో అల్ ఇండియన్ స్టార్స్ అయిన అమితాబ్ బచ్చన్, విజయ్ సేతుపతి, సుధీప్, అనుష్క లాంటి వారు ప్రధాన పాత్రలు చేశారు.