ముగ్గురు దర్శకులతో రాఘవేంద్రుడి ప్రయోగం ?

దర్శకేంద్రుడు కె రాఘవేంద్ర రావు తాజాగా మళ్ళీ సినిమాలపై ఫోకస్ పెట్టాడు. నమో వెంకటేశాయ తరువాత అయన టిటిడి ఆధ్వర్యంలో అన్నమాచార్య భక్తి గీతాలను ప్రజలకు చేరువ చేసే ప్రాజెక్ట్ పై బిజీగా ఉన్నాడు. అయితే ఈ మద్యే ప్రభుత్వం మారడంతో టిటిడి నుండి బయటకు వచ్చేసారు. తాజాగా ఆయన మళ్ళీ సినిమాలపై ఫోకస్ పెట్టినట్టు తెలుస్తోంది. తాజాగా యంగ్ హీరో నాగ శౌర్య తో ఓ సినిమా ప్లాన్ చేస్తున్నాడు. అయితే దీనికి ఆయన దర్శకతం వహించడట .. కేవలం నిర్మాతగా ఉంటాడట. ఈ దర్శకత్వ బాధ్యతలను ముగ్గురు దర్శకులపై పెట్టారు. అందులో ఇప్పటికే దర్శకుడు క్రిష్ ని ఎంపిక చేసారు.

ఇప్పటికే ఈ ముగ్గురి క్రేజీ కాంబినేషన్ లో సినిమా తెరకెక్కనున్నట్టు ప్రచారం జరుగుతుంది. ఇందులో ముగ్గురు హీరోయిన్లు ఉంటారట. కొత్తదనం నిండిన కథతో ఈ సినిమా ఉంటుందని. ఇప్పటికే స్క్రిప్ట్ వర్క్ కూడా పూర్తీ కావొచ్చిందని సమాచారం. ఈ సినిమా మూడు ప్రేమకథలతో ఉంటుందని, అందుకోసం ముగ్గురు హీరోయిన్స్ ని ఎంపిక చేస్తారట. ఈ ముగురు భామలకు జోడిగా నాగ శౌర్య నటిస్తాడట. అయితే ఈ మూడు ప్రేమకథలకోసం ముగ్గురు దర్శకులను ఎంచుకున్నాడట దర్శకేంద్రుడు. ఇప్పటికే ఓ దర్హకుడిగా క్రిష్ ని ఎంపిక చేయగా మరో ఇద్దరు దర్శకులను ఎంపిక చేయాల్సి ఉంది.

ఒకే సినిమాకు ముగ్గురు దర్శకులు పనిచేయడం అన్నది నిజంగా కొత్త ఆలోచనే .. అంతా బాగానే ఉంది కానీ ఎక్కడో తేడా కొట్టిందంటే మాత్రం అంతా స్పాయిల్ అవుతుంది. మరి ఈ సినిమాకు సంబందించిన మరిన్ని వివరాలు త్వరలోనే వెల్లడిస్తారట.