‘ఇస్మార్ట్‌ శంకర్‌’ ఇచ్చిన సక్సెస్‌ జోష్‌తో పూరి జగన్నాథ్‌, తన తదుపరి సినిమా కోసం వడివడిగా అడుగులు వేస్తున్నాడు. ‘ఇస్మార్ట్‌ శంకర్‌’కి సీక్వెల్‌ తీస్తానని గతంలోనే ప్రకటించిన పూరి, కథ కూడా ఆల్రెడీ సిద్ధం చేసేసుకున్నాడన్నది తాజా ఖబర్‌. ‘డబుల్‌ ఇస్మార్ట్‌’పై ఇప్పటికే పూరి నుంచి క్లారిటీ వచ్చేసింది. కథ రెడీ అయిపోయిందనీ, దానికి చిన్న చిన్న మార్పులు చేసి.. ఇంకాస్త భారీతనం అద్దాలన్నది పూరి తాజా ఆలోచన అట. త్వరలోనే ‘డబుల్‌ ఇస్మార్ట్‌’ ప్రారంభమవుతుందని తెలుస్తోంది.
మరోపక్క, పూరి జగన్నాథ్‌ తాను ఎప్పటినుంచో తెరకెక్కించాలనుకుంటున్న ‘జన గన మన’ ప్రాజెక్ట్‌ని కూడా పట్టాలెక్కించే ప్రయత్నాల్లో వున్నాడట. తొలుత ఈ ప్రాజెక్ట్‌ కోసం మహేష్‌ని హీరోగా అనుకున్నాడు పూరి జగన్నాథ్‌. అయితే, కొన్ని కారణాలతో మహేష్, పూరిని పక్కన పెట్టేశాడు. ఆ విషయాన్ని పూరి స్వయంగా ఓ ఇంటర్వ్యూలో వెల్లడించాడు కూడా. ‘ఇస్మార్ట్‌ శంకర్‌ హిట్టయ్యాక.. మహేష్ నన్ను పిలిచినా వెళ్ళేది లేదు’ అని పూరి తేల్చి చెప్పిన విషయం విదితమే. ఆ స్థాయిలో పూరి – మహేష్ మధ్య విభేదాలున్నాయి. ఇక, విజయ్‌ దేవరకొండతో పూరి జగన్నాథ్‌ ‘జన గన మన’ తెరకెక్కిస్తాడంటూ ఊహాగానాలు విన్పించాయి.
కానీ, తాజా ఊహాగానాల ప్రకారం చూస్తే, పూరి జగన్నాథ్‌ ‘జన గన మన’ సినిమాని పాన్‌ ఇండియా ఫిలిమ్‌గా ప్లాన్‌ చేశాడనీ, ఈ క్రమంలోనే కన్నడ హీరో యష్‌ని పూరి ఇటీవల సంప్రదించాడనీ తెలుస్తోంది. ‘జన గన మన’ కాన్సెప్ట్‌ని గతంలోనే పూరి, యష్‌కి విన్పించాడనీ, ఫుల్‌ స్క్రిప్ట్‌తో వస్తే సినిమా చేద్దామంటూ యష్‌ చెప్పాడనీ, కన్నడలో ఆల్రెడీ సినిమాలు తీసిన అనుభవం పూరికి వుండడంతో, యష్‌ కూడా పూరితో వర్క్‌ చేయడానికి ఆసక్తిగా వున్నాడనీ సమాచారమ్‌.
అన్నీ కుదిరితే, 2020లో పూరి – యష్‌ల సినిమా తెరకెక్కొచ్చు. అయితే, ఈ విషయమై పూరి జగన్నాథ్‌ కొంచెం ‘లో-ప్రొఫైల్‌’ మెయిన్‌టెయిన్‌ చేస్తున్నాడు. కానీ, పూరి – యష్‌ ఈ మధ్యనే ఇంకోసారి ‘జన గన మన’ కోసం భేటీ అయ్యారంటూ కన్నడ సినీ మీడియాలో కథనాలు గుప్పుమనడంతో, వీలైనంత త్వరగా అధికారిక ప్రకటన ఈ ప్రాజెక్ట్‌పై చేయాలని పూరి భావిస్తున్నాడని తెలుస్తోంది.
380799 391846I just could not go away your internet site before suggesting that I incredibly enjoyed the usual information a person supply to your guests? Is going to be back ceaselessly to be able to inspect new posts. 121075
133663 793268informatii interesante si utile postate pe blogul dumneavoastra. dar ca si o paranteza , ce parere aveti de inchirierea apartamente vacanta ?. 514412