ప్రజల్ని అప్రమత్తం చేసేందుకు ఇటివల సైబరాబాద్ పోలీసులు సినిమా మీమ్స్ తో వినూత్న ప్రచారం చేస్తున్న విషయం తెలిసిందే. ఇప్పుడు ఆన్ లైన్ షాపింగ్ చేస్తే.. గిఫ్ట్స్, కూపన్ల పేరుతో వచ్చే ఆగంతకుల కాల్స్ కు రెస్పాండ్ కావద్దొంటూ హెచ్చరిస్తున్నారు. ఈ క్రమంలో విక్టరీ వెంకటేశ్.. హావభావాలతో కట్ చేసిన వీడియో ఇప్పుడు వైరల్ అవుతోంది.
అమెజాన్, ఫ్లిప్కార్ట్, స్నాప్డీల్లో ఆర్డర్ చేశారా? మీకు లక్షల విలువ చేసే బహుమతులు వచ్చాయంటూ ఫోన్లు, మెయిల్స్, మెసేజ్లు వచ్చాయా? ఆశపడి ఆ ఫోన్ కాల్స్, మెసేజ్లకి రిప్లై ఇస్తే మీ డబ్బు గోవిందా..! అంటున్నారు సైబరాబాద్ పోలీసులు. లక్షల విలువైన బహుమతులు ఊరికే ఎందుకిస్తారు? ఒకసారి ఆలోచించండి అంటూ సలహా ఇస్తున్నారు. ఆన్ లైన్ మోసాలకు గురైన ఎందరో డబ్బులు పోగొట్టుకుంటున్నారు. ఇటువంటి వాటి నుంచి జాగ్రత్తగా ఉండాలని ప్రజలను హెచ్చరిస్తున్నారు.
ఇటివల సీనిమా పిక్స్, వీడియోలతో ప్రజలను చైతన్యవంతం చేసే కార్యక్రమాలు చిన్న చిన్న వీడియోలుగా రూపొందిస్తూ ప్రజల మన్ననలు అందుకుంటున్నారు పోలీసులు.
స్పందించిన వెంకీ !! డబ్బులు రావు వెనక్కి..#Snapdeal #Amazon Gift fraud #Alert @cyberabadpolice @TelanganaDGP @TelanganaCOPs @hydcitypolice @RachakondaCop @SCSC_Cyberabad @CYBTRAFFIC @VenkyMama pic.twitter.com/s109vSPsq8
— Cyber Crimes Wing Cyberabad (@CyberCrimePSCyb) March 7, 2021