చైనాకు చెందిన లూంగ్‌ ఎయిర్‌ లైన్స్‌కు చెందిన విమానం గ్జినింగ్‌ నుండి యాచ్చెంగ్‌కు వెళ్తుండగా ఆ విమానంలోని ఒక యువతి మద్యం మత్తుతో కిటికి అద్దాలు బద్దలు కొట్టింది. దాంతో ఒక్కసారిగా గందరగోళ పరిస్థితులు ఏర్పడ్డాయి. ఆమె బాగా డిప్రెషన్‌లో ఉండి చేసిన పనితో విమానంను అత్యవసరంగా దించేయడం జరిగింది. ఈ సంఘటన దేశ వ్యాప్తంగా సంచలనం రేపింది. కాస్త ఆలస్యంగా వెలుగులోకి వచ్చిన ఈ విషయం ప్రస్తుతం ప్రపంచ వ్యాప్తంగా వైరల్‌ అవుతోంది.
29 ఏళ్ల లీ అనే యువతి ప్రేమలో విఫలం అయ్యింది. ఆమె ప్రియుడిపై చాలా కోపంతో శృతి మించి మద్యం సేవించింది. దాంతో ఆమె మత్తులో జోగిపోయింది. అప్పుడే ప్రియుడు గుర్తుకు వచ్చి చేతిలో ఉన్న వస్తువుతో బలంగా విమానం అద్దాలను బడ్దలు కొట్టింది. ఈ విషయంపై కేసు నమోదు చేసిన అధికారులు ఆమెను అదుపులోకి తీసుకుని ఎంక్వౌరీ చేస్తున్నారు. ఆమె ఆ సమయంలో డ్రగ్స్‌ కూడా తీసుకుని ఉంటుందనే అనుమానాలు వ్యక్తం అవుతున్నాయి.