మెగాస్టార్ చిరంజీవి అంటే ఆయన తమ్ముళ్ళకి ఎంత ఇష్టం.? కొండంత.. సముద్రమంత.. ఆకాశమంత.. ఇలా కొలమానం చేసి చెప్పడానికి వీల్లేదు. ఓ సామాన్యుడు, సినిమా పరిశ్రమపై ఆసక్తి పెంచుకుని, ఒక్కో మెట్టూ పైకెక్కుతూ ఎదిగిన వైనం.. అదో అద్భుతం. అందుకే మెగాస్టార్ చిరంజీవిని చాలామంది ఇష్టపడతారు. ‘మోర్‌ దేన్‌ మెగాస్టార్..’ అంటూ అమితాబ్‌ బచ్చన్‌తో చిరంజీవిని పోల్చింది నేషనల్‌ మీడియా చాన్నాళ్ళ క్రితం.
చిరంజీవి అంటే కేవలం నటుడు కాదు.. చిరంజీవి అంటే ఓ శక్తి. ఓ స్ఫూర్తి. ‘చిరంజీవి నుంచి స్ఫూర్తి పొందిన లక్షలాదిమంది యువతరంలో నేనొక పరమాణువుని’ అని చెప్పడం చిరంజీవి తమ్ముడికి మాత్రమే చెల్లింది. తెలుగు సినీ పరిశ్రమలో అన్నయ్య చాటు తమ్ముడిగా కాదు, అన్నయ్యను మించిన తమ్ముడిగా తిరుగులేని ఫాలోయింగ్‌ సంపాదించుకున్నా.. అప్పటికీ ఇప్పటికీ తన సోదరుడ్ని, తండ్రి సమానుడిగా భావిస్తారు పవన్ కళ్యాణ్.
‘అసామాన్యమైన తన ప్రస్థానంలో ఎన్నెన్ని ఎదురు దెబ్బలు, కుట్రలు, కుతంత్రాలు ఎదురైనా పట్టుదలతో వాటిని తొక్కేసుకుంటూ.. ఉన్నత శిఖరాలకు ఎగబాగిన ధీరత్వం.. ఆయన వేసే ప్రతి అడుగు ఆదర్శం, అనుసరణీయం..’ అంటూ పవన్ కళ్యాణ్, తన అన్నయ్యకు పుట్టినరోజు శుభాకాంక్షలు అందిస్తూ ట్వీట్‌ చేయడం.. అన్నయ్య మీద తమ్ముడికి వున్న అపారమైన గౌరవాభిమానాల్ని చెప్పకనే చెబుతున్నాయి. అబ్దుల్‌ కలాం మాటల్ని చిరంజీవి జీవితానికి పవన్ కళ్యాణ్ ఆపాదించడం అతిశయోక్తి ఎంతమాత్రం కాదు.
ఎందుకంటే, సినీ పరిశ్రమలో ఆయన సాధించిన విజయాలు అలాంటివి. ఎదురొచ్చిన కష్టం ముందు ఏనాడూ తలొంచలేదు.. చిరంజీవి ప్రతిరోజూ విద్యార్థే. అదే ఆయన్ని సినీ రంగంలో అగ్రస్థానాన నిలబెట్టింది. చిరంజీవి స్ఫూర్తి, ఆయన కుటుంబం నుంచి చాలామంది నటులు సినీ రంగానికి పరిచయమయ్యేలా చేసింది. ఎవరూ, చెట్టు పేరు చెప్పుకుని కాయలు అమ్ముకునే ప్రయత్నం చేయలేదు. అదీ చిరంజీవి నింపిన స్ఫూర్తి. అందుకే, చిరంజీవి సమ్‌థింగ్‌ స్పెషల్‌.
? My wholehearted Namaskars!! to all. pic.twitter.com/sTn1uHGtSU
— Pawan Kalyan (@PawanKalyan) August 21, 2019
914162 527846Merely a smiling visitor here to share the love (:, btw wonderful pattern . 497354