ప్రధాని నరేంద్ర మోడీ హైద్రాబాద్కి వస్తున్నారు. ఈ మేరకు తెలంగాణ ప్రభుత్వానికి సమాచారం అందింది. తగిన భద్రతా ఏర్పాట్లను రాష్ట్ర ప్రభుత్వం తరఫున ప్రధాని రాక కోసం చేయాల్సి వుంటుంది. ఇంతకీ, ప్రధాని మోడీ హైద్రాబాద్కి ఎందుకు వస్తున్నట్లు.? గ్రేటర్ ఎన్నికల వేళ, కరోనా వ్యాక్సిన్ విషయమై ప్రధాని హైద్రాబాద్ వస్తున్నారంటే.. కొన్ని అనుమానాలు కలగడం సహజమే.
గ్రేటర్ ఎన్నికల్ని బీజేపీ ఎంత ప్రతిష్టాత్మకంగా తీసుకుందో ప్రత్యేకంగా చెప్పాల్సిన పనిలేదు. జాతీయ స్థాయి నేతలంతా గ్రేటర్లో మోహరించేశారు. దాంతో, గ్రేటర్ ఎన్నికల రాజకీయం అనూహ్యంగా హీటెక్కింది. గతంలో ఎన్నడూ ఏ కార్పొరేషన్ ఎన్నికలూ ఇంత వేడిగా జరిగిన దాఖలాల్లేవు. మతాల ప్రస్తావన వస్తోంది.. ఇండియా – పాకిస్తాన్ క్రికెట్ గొడవలు చర్చకు వస్తున్నాయి.. సర్జికల్ స్ట్రైక్స్ అంశమే కాదు, రోహింగ్యాల వ్యవహారాలూ హాట్ టాపిక్స్గా మారుతున్నాయి. ఇలాంటి తరుణంలో, కేవలం వ్యాక్సిన్ వ్యవహారాల గురించే ప్రధాని మోడీ హైద్రాబాద్కి వస్తున్నారంటే నమ్మేదెలా.?
పైగా, ఈ టూర్ ఆకస్మికంగా ఖరారయ్యిందట. ప్రధాని టూర్ సందర్భంగా బీజేపీ నేతల హంగామా ఓ రేంజ్లో వుంటుందన్నది నిర్వివాదాంశం. అయితే, ప్రస్తుతానికి ప్రధాని టూర్లో రాజకీయ వ్యవహారాలకు తావుండదనే ప్రచారం జరుగుతోంది. కానీ, ప్రధాని వ్యాక్సిన్ వ్యవహారాలపై మాట్లాడుతూ, తనదైన స్టయిల్లో రాజకీయ వ్యాఖ్యలు చేస్తే మాత్రం, గ్రేటర్ ఎన్నికల హీట్ మరింత పెరుగుతుంది.
అంతా బాగానే వుందిగానీ, గ్రౌండ్ లెవల్లో పరిస్థితులు బీజేపీకి అనుకూలంగా వున్నాయా.? లేదా.? లేకపోతే మాత్రం, బీజేపీ కష్టం బూడిదలో పోసిన పన్నీరే అవుతుంది. ‘ప్రధాని వస్తున్నారంటే, పరిస్థితి బీజేపీకి అనుకూలంగా వున్నట్లే..’ అని బీజేపీ నేతలు కొందరు ఆఫ్ ది రికార్డ్గా వ్యాఖ్యానిస్తున్నారట. మేయర్ పదవి విషయమై ఇంత రాజకీయం అవసరమా.? అంటే, రాజకీయాల్లో అన్నీ అవసరమేనని రాజకీయ విశ్లేషకులు చెబుతున్నారు.
కరోనా వ్యాక్సిన్ త్వరలో అందుబాటులోకి రానుందన్న అంచనాల నడుమ, వ్యాక్సిన్ని దేశ ప్రజలందరికీ అందించడం ఆషామాషీ వ్యవహారం కాదు. ఈ నేపథ్యంలోనే ప్రధాని ప్రత్యేక చొరవ చూపి, ఆయా వ్యవహారాల గురించి ఎప్పటికప్పుడు తెలుసుకుంటూ, అవసరమైన మేర చర్యలు చేపడుతున్నారు. అన్నట్టు, ‘ఉచిత కరోనా వ్యాక్సిన్’ హామీని కూడా గ్రేటర్ ప్రజలకు బీజేపీ ఇచ్చేసిన విషయం విదితమే.
457894 541350Wonderful write-up mate, maintain the great function, just shared this with ma friendz 596431
42979 782542Hello! Ive been reading your web internet site for a even though now and finally got the courage to go ahead and give you a shout out from Kingwood Texas! Just wanted to say keep up the excellent work! 821386
557433 236088Great post, effectively put together. Thanks. I will be back soon to look at for updates. Cheers 84126