మలయాళంలో సూపర్ హిట్ అయ్యి తెలుగు లో డబ్ అయ్యి ఇక్కడ కూడా మంచి వసూళ్లు సాధించిన చిత్రం ప్రేమలు. హైదరాబాద్ బ్యాక్ డ్రాప్ తో రూపొందిన ఈ మలయాళ సినిమా ను తెలుగు లో రాజమౌళి తనయుడు కార్తికేయ డబ్ చేసి విడుదల చేయడం జరిగింది.
రాజమౌళి ఫ్యామిలీ ఈ సినిమాను చూడటంతో పాటు ప్రత్యేకంగా స్పందించడం వల్ల యూత్ లో మంచి ఫాలోయింగ్ క్రియేట్ అయ్యింది. పైగా సినిమాకు మౌత్ టాక్ కూడా పాజిటివ్ గా వచ్చింది. అందుకే ప్రేమలు సినిమాకు తెలుగు రాష్ట్రాల్లో మంచి వసూళ్లు నమోదు అయ్యాయి.
మరో వైపు ప్రేమలు సినిమా ఓటీటీ స్ట్రీమింగ్ కోసం ప్రేక్షకులు ఆసక్తిగా ఎదురు చూస్తున్నారు. ఎప్పుడెప్పుడు ఈ సినిమా స్ట్రీమింగ్ అవుతుందా అంటూ ఎదురు చూస్తున్న వారికి ఈ వారంలోనే గుడ్ న్యూస్ ను డిస్నీ ప్లస్ హాట్ స్టార్ వారు చెప్పే అవకాశాలు ఉన్నాయి.
మీడియా సర్కిల్స్ ద్వారా అందుతున్న సమాచారం ప్రకారం మార్చి 29న మలయాళం, తెలుగు మరియు తమిళ భాషల్లో డిస్నీ ప్లస్ హాట్ స్టార్ స్ట్రీమింగ్ చేయబోతుంది. అందుకు సంబంధించిన ప్రకటన ఒకటి రెండు రోజుల్లో వచ్చే అవకాశం ఉంది.