విజయ్ దేవరకొండ, సమంత లీడ్ పెయిర్ గా నటించిన చిత్రం ఖుషి. శివ నిర్వాణ డైరెక్ట్ చేసిన ఈ చిత్రం ఈరోజే ప్రేక్షకుల ముందుకు వచ్చింది. మరి ఈ చిత్రం ఎలా ఉందో చూద్దామా.
కథ:
ఉద్యోగం పనిమీద విప్లవ్ (విజయ్ దేవరకొండ) కశ్మీర్ వెళ్తాడు. అక్కడ ఆరా (సమంత)ను చూసి మనసు పారేసుకుంటాడు. తనని మొదట ముస్లిం అనుకుంటాడు కానీ తర్వాత తెలుస్తుంది ఆరా ఒక బ్రాహ్మణ కుటుంబానికి చెందిన అమ్మాయి అని. తర్వాత ఒకరినొకరు ఇష్టపడి పెద్దలకు విరుద్ధంగా పెళ్లి చేసుకున్నా కానీ వాళ్లకు సమస్యలు మొదలవుతాయి. అవి ఎలాంటి సమస్యలు, వాటిని ఇద్దరూ ఎలా ఎదుర్కొంటారు అన్నది ప్రధాన కథ.
నటీనటులు:
విజయ్ దేవరకొండ మరోసారి క్లాస్ రోల్ లో తన పెర్ఫెక్షన్ చూపించాడు. లుక్స్ పరంగా కూడా విజయ్ ఇంప్రెస్ చేస్తాడు. పెర్ఫార్మన్స్ పరంగా వంకపెట్టడానికి లేని విధంగా నటించాడు. విజయ్ తో పోటీపడి నటించింది సమంత. లుక్స్ పరంగా ది బెస్ట్ అనిపించేలా లేకపోయినా దాన్ని తన నటనతో కవర్ చేసిందనే చెప్పాలి.
ఇక సినిమాలో సపోర్టింగ్ కాస్ట్ బాగా కుదిరారు. పేరొందిన సీనియర్ స్టార్స్ అందరూ ఈ చిత్రంలో నటించడం విశేషం. వారి పాత్రలు కూడా చక్కగా కుదిరాయి.
సాంకేతిక నిపుణులు:
అందరికీ రిలేట్ అయ్యే కథనే ఎంచుకున్నాడు శివ నిర్వాణ. అయితే ఎంటర్టైనింగ్ గా కథ చెప్పడంలో పూర్తిగా సఫలం కాలేదు. కథ మొదలైన విధానమే చాలా నెమ్మదిగా ఉంది. ఫస్ట్ హాఫ్ లో చాలా ల్యాగ్ ఉంది. అలాగే సెకండ్ హాఫ్ కొంచెం బెటర్ అని చెప్పవచ్చు. మొత్తంగా చూసుకుంటే చిత్రంలో చాలా ల్యాగ్ ఫీల్ అనిపిస్తుంది.
అయితే ఈ చిత్రానికి సంగీతం వెన్నుముక లాంటిదని చెప్పవచ్చు. హేషం అబ్దుల్ వాహబ్ అద్భుతమైన సంగీతాన్ని ఇచ్చాడు. బ్యాక్ గ్రౌండ్ స్కోర్ పరంగా కూడా మెప్పించాడు తెలుగులో తన మొదటి చిత్రంతో. సినిమాటోగ్రఫీ ఈ చిత్రానికి మరో ప్రధాన ప్లస్ పాయింట్ అని చెప్పాలి. నిర్మాణ విలువలు కూడా బాగున్నాయి. ఇందాక చెప్పినట్లు ఎడిటింగ్ ఇంకా క్రిస్ప్ గా ఉండాలి.
ప్లస్ పాయింట్స్:
- విజయ్, సమంత పెర్ఫార్మన్స్
- సంగీతం
- సినిమాటోగ్రఫీ
మైనస్ పాయింట్స్:
- రెండు హాఫ్ లలో ల్యాగ్
- కొన్నే ఫీల్ గుడ్ మూమెంట్స్
- ఎంటర్టైన్మెంట్ లేకపోవడం
విశ్లేషణ:
రొమాంటిక్ డ్రామాగా తెరకెక్కిన ఖుషి ఎంటర్టైనింగ్ పరంగా జాగ్రత్తలు తీసుకుని ఉంటే ఖుషి నెక్స్ట్ లెవెల్లో ఉండేది. రన్ టైమ్ పరంగా కూడా జాగ్రత్తలు తీసుకుని ఉండాల్సింది. మొత్తంగా ఖుషికు వచ్చినంత హైప్ కు సరిపడా లేదు.
తెలుగు బులెటిన్ రేటింగ్: 2.5