కేంద్ర ప్రభుత్వం అత్యంత ప్రతిష్టాత్మకంగా గూడు లేని పేదలకు ఇళ్ళు నిర్మించి ఇచ్చే పథకాన్ని చాలా కాలం క్రితమే ప్రారంభించింది. 2014 నుంచి 2019 వరకూ పెద్దయెత్తున ఇళ్ళు నిర్మించేందుకు అటు కేంద్రంలోని మోడీ ప్రభుత్వం, ఇటు రాష్ట్రంలోని చంద్రబాబు ప్రభుత్వం యుద్ధ ప్రాతిపదికన చర్యలు చేపట్టిన విషయం విదితమే. అయితే, కొన్ని కారణాలతో ఆ ఇళ్ళను లబ్దిదారులకు కేటాయించడంలో అలసత్వం ఏర్పడింది. ’జి ప్లస్ 3’ ప్రాతిపదికన ఫ్లాట్ల నిర్మాణం జరిగింది. లబ్దిదారుల ఎంపిక కూడా చాలావరకు పూర్తయ్యింది. అయినా, వైఎస్ జగన్ ప్రభుత్వం ఆ ఇళ్ళను లబ్దిదారులకు అందించేందుకు సుముఖత వ్యక్తం చేయకపోవడాన్ని ప్రశ్నిస్తూ జనసేన పార్టీతోపాటు బీజేపీ రేపు ఆందోళనలు చేపట్టనుంది.
బీజేపీ, జనసేన శ్రేణులు ఎక్కడికక్కడ ఈ ఆందోళనలు చేపడ్తాయని రెండు పార్టీల తరఫున ప్రకటనలు వెలువడ్డాయి. ఈ విషయమై జనసేన అధినేత పవన్ కళ్యాణ్, పార్టీ ముఖ్య నేతలతో టెలికాన్పరెన్స్ నిర్వహించారు. పార్టీ ముఖ్య నేతలు ఈ కార్యక్రమంలో పాల్గొన్నారు. నిజానికి, ఇంత పెద్దయెత్తున కేంద్రం, రాష్ట్రానికి ఇళ్ళను కేటాయించడం వెనుక ప్రస్తుత ఉప రాష్ట్రపతి, అప్పటి కేంద్ర మంత్రి వెంకయ్యనాయుడు చూపిన చొరవ అంతా ఇంతా కాదు. దేశంలో ఏ రాష్ట్రానికీ లేని విధంగా కేంద్రం రాష్ట్రానికి ఇళ్ళను కేటాయించింది.
ప్రస్తుత ప్రభుత్వం పేదలకు ఇళ్ళ స్థలాల్ని ఇవ్వాలనుకోవడాన్ని తప్పు పట్టలేం. కానీ, ఆ పథకం చుట్టూ అనేక వివాదాలు ముసురుకుంటున్నాయి. మార్చి నెలాఖరున ఇవ్వాల్సిన ఇళ్ళ పట్టాలు ఇప్పటిదాకా ఓ కొలిక్కి రాలేదు. ఆగస్ట్ 15న ఇస్తామని ప్రభుత్వం చెబుతున్నా, కోర్టు కేసుల తలనొప్పి నేపథ్యంలో అప్పటికైనా ప్రభుత్వం ఇవ్వగలుగుతుందా.? లేదా.? అన్నది మిలియన్ డాలర్ల ప్రశ్నే. అయినా, ఆల్రెడీ అన్ని హంగులతో ఫ్లాట్ల నిర్మాణం జరిగి వున్నప్పుడు, వాటిని ముందుగా లబ్దిదారులకు ఇచ్చేయాలి కదా.! అలా ఇచ్చేస్తే, చంద్రబాబుకి పేరొస్తుందనో, నరేంద్ర మోడీకి పేరొస్తుందనో బహుశా ఆంధ్రప్రదేశ్లోని అధికార పార్టీ ఒకింత ఇబ్బంది పడుతున్నట్లుంది.
ఇదిలా వుంటే, ఆంధ్రప్రదేశ్లో కరోనా వ్యాప్తి విషయమ్మీద కూడా పార్టీ శ్రేణులతో జనసేన అధినేత పవన్ కళ్యాణ్ ప్రత్యేకంగా టెలి కాన్ఫరెన్స్ నిర్వహించారు. ఈ సందర్భంగా ప్రభుత్వ తీరుని జనసేనాని తప్పు పట్టారు. పార్టీ శ్రేణులు, ప్రభుత్వాన్ని ప్రజా సమస్యలపై ప్రశ్నించాలని, బాధ్యతాయుతమైన ప్రతిపక్షంగా సత్తా చాటాలని పిలుపునిచ్చారు జనసేనాని.
581417 897245I like this site very considerably, Its a rattling nice place to read and get information . 718969
557653 438671Dead written articles , Really enjoyed reading . 290593