గతంలోనూ వైఎస్‌ జగన్ తిరుపతికి వెళ్ళినప్పుడు డిక్లరేషన్‌పై సంతకం చేయలేదు. కలియుగ ప్రత్యక్ష దైవం తిరుమల తిరుపతి శ్రీ వెంకటేశ్వరస్వామి దేవస్థానానికి సంబంధించి కొన్ని నిబంధనలున్నాయి. ఆ నిబంధనల్లో ‘డిక్లరేషన్‌’ కూడా ఒకటి. నిజానికి, రాష్ట్ర ముఖ్యమంత్రిగా టీటీడీ నిబంధనల్ని వైఎస్‌ జగన్ గౌరవించి తీరాలి. కానీ, అసలాయనకు ఆ ఉద్దేశ్యం లేదని ఇంకోసారి తేలిపోయింది. డిక్లరేషన్‌ ఇస్తేనే, వెంకటేశ్వరస్వామిపై విశ్వాసం వున్నట్లా.? అన్నది వేరే చర్చ.
అసలు, ఈ వివాదం ఎక్కడ మొదలైంది.? అంటే, తాజా వివాదానికి కేంద్ర బిందువు ఎవరో కాదు, టీటీడీ ఛైర్మన్‌ వైవీ సుబ్బారెడ్డి. ‘డిక్లరేషన్‌ అవసరం లేదు’ అని జనరల్‌ స్టేట్‌మెంట్‌ ఆయన పాస్‌ చేశాకే వివాదం ముదిరి పాకాన పడింది. వివాదం పెద్దదయ్యాక, ‘నా ఉద్దేశ్యం అది కాదు..’ అంటూ వైవీ సుబ్బారెడ్డి వివరణ ఇచ్చుకున్నా.. అప్పటికే జరగాల్సిన పొలిటికల్‌ డ్యామేజీ జరిగిపోయింది వైఎస్సార్‌ కాంగ్రెస్‌ పార్టీకి. మంత్రి కొడాలి నాని ‘హద్దులు దాటి’ చేసిన వ్యాఖ్యలు, వైసీపీ నేతలు కొందరు అదే బాటలో నడవడం.. ఇవన్నీ వైసీపీ ఇమేజ్‌ని దారుణంగా దెబ్బతీసేశాయి.
ఈ పరిస్థితుల్లో వైఎస్‌ జగన్, డిక్లరేషన్‌పై సంతకం పెట్టి వుంటే పరిస్థితి ఇంకోలా వుండేది. అయితే, ‘ఇదంతా పక్కా ప్లానింగ్‌తో వైసీపీ చేసింది’ అని టీడీపీ ఆరోపిస్తోంది. పార్లమెంటులో కేంద్రాన్ని నిలదీయాల్సిన వైసీపీ, ఈ వివాదం పేరు చెప్పి మొత్తం వ్యవహారాన్ని ‘సైడ్‌ ట్రాక్‌లోకి నెట్టేసింది’ అని తీరిగ్గా వైసీపీ నేతలు చెబుతున్నారు. ఇందులో ఎంతో కొంత నిజం లేకపోలేదు. ఎంతైనా 60-40 బంధం కదా.. అన్నీ టీడీపీకి అలా తెలిసిపోతుంటాయంతే.
ముఖ్యమంత్రి వైఎస్‌ జగన్ ఢిల్లీకి వెళ్ళారు, కేంద్ర హోం శాఖ మంత్రి అమిత్‌ షా సహా పలువురు కేంద్ర ప్రభుత్వ పెద్దల్ని కలిశారు. ఎక్కడా ప్రత్యేక హోదా చర్చ రాలేదు. రాష్ట్రానికి రావాల్సిన జీఎస్టీ బకాయిలు సహా, విభజన చట్టానికి అనుగుణంగా రావాల్సిన నిధుల గోల కూడా పెద్దగా వినిపించలేదు. ఎలా చూసుకున్నా, ఇక్కడ ‘డైవర్షన్‌ పాలిటిక్స్‌’ సుస్పష్టం. అమరావతి భూములపై సీబీఐ విచారణకు డిమాండ్‌ చేయడం కూడా వైసీపీ పొలిటికల్‌ గేమ్ అనే భావించాలేమో.
అయితే, ఇంతలా ప్లాన్‌ చేసి ‘డిక్లరేషన్‌’ వివాదాన్ని తెరపైకి తెచ్చిన వైసీపీ ఏం లాభపడినట్లు.? లాభం లేదు సరికదా, వైసీపీ రాజకీయంగా చాలా నష్టపోయిందన్న విమర్శలు వెల్లువెత్తుతున్నాయి. హిందూ దేవాలయాలపై వరుస దాడులు జరుగుతున్న వేళ, వైసీపీ.. ‘డిక్లరేషన్‌’ పేరుతో ఆడిన డ్రామా, సృష్టించిన రగడ.. ఇవన్నీ వైసీపీకి ‘చారిత్రక తప్పిదం’గా మారనున్నాయన్నది నిర్వివాదాంశం.
965248 619021An intriguing discussion is going to be worth comment. Im certain which you require to write more about this subject, it may possibly not be a taboo topic but usually consumers are too couple of to chat on such topics. To yet another. Cheers 279332
538697 840851Quite good post, thanks a lot for sharing. Do you happen to have an RSS feed I can subscribe to? 299220
359290 508127I got what you intend, saved to favorites , quite decent internet internet site . 247890
573877 762655Thanks for your time so much for your impressive and incredible guide. I will not be reluctant to endorse your web websites to any individual who ought to receive direction on this dilemma. 823244