ఎట్టి పరిస్థితుల్లోనూ వైఎస్ జగన్ని ముఖ్యమంత్రి పదవిలో కూర్చోనివ్వనంటూ ఎన్నికల ప్రచారంలో పవన్ కళ్యాణ్ ఏకంగా శపథం చేసేశారు. రాజకీయాల్లో ఇలాంటివి చాలానే చూస్తుంటాం. 2014 ఎన్నికలకు ముందు చంద్రబాబు విషయంలో జగన్ ఇలాంటి మాటలే మాట్లాడారు. 2019 ఎన్నికల్లో జగన్ని ఉద్దేశించి చంద్రబాబు కూడా ఇలాగే మాట్లాడారు. ప్రత్యర్థి గురించి ఇలా మాట్లాడటం రాజకీయాల్లో కొత్తేమీ కాదుగానీ, జనసేన ఏదన్నా మాట్లాడితే మాత్రం.. అది ఓ రేంజ్లో రీ-సౌండ్ వచ్చేస్తోంది.
తాజాగా, పవన్ కళ్యాణ్ ఇంకో అడుగు ముందుకేసి, జగన్ సర్కార్ని కూల్చేస్తామని షాకింగ్ ప్రకటన చేశారు. 151 మంది ఎమ్మెల్యేల బలమున్న ప్రభుత్వాన్ని ఒక్క ఎమ్మెల్యే బలం మాత్రమే వున్న పార్టీ కూల్చేస్తుందా.? తాజా సమీకరణాల్ని బట్టి చూస్తే వైఎస్సార్ కాంగ్రెస్ ప్రభుత్వానికి మొత్తం 154 మంది ఎమ్మెల్యేల బలం వుంది. జనసేన పార్టీ బలం జీరో అయిపోయింది.
రానున్న వారం పది రోజుల్లో.. వైసీపీ బలం 160 దాటిపోతుందనే ప్రచారం జరుగుతోంది. కానీ, జనసేనాని వ్యాఖ్యల్ని వైఎస్సార్ కాంగ్రెస్ పార్టీ అంత తేలిగ్గా తీసుకోవడంలేదు. 2019 ఎన్నికల నుంచి ఇప్పటిదాకా.. చంద్రబాబుని వైసీపీ లైట్ తీసుకుందేమోగానీ, పవన్ కళ్యాణ్ని లైట్ తీసుకోలేదు. అది పవన్ కళ్యాణ్ మీద ఆ పార్టీకి వున్న అసహనం వల్లే కావొచ్చు.. మరో కారణం కావొచ్చు. తన వెనుకాల ఏ బలమూ లేకపోయినా, పవన్ కళ్యాణ్ ఎందుకింతలా ‘పెద్ద పెద్ద’ మాటలు మాట్లాడుతున్నారు.? ఇదే ఇప్పుడు మిలియన్ డాలర్ల ప్రశ్న.
టీడీపీని తొలుత దెబ్బకొట్టి, ఆ తర్వాత వైఎస్సార్సీపీని దెబ్బకొట్టాలని గతంలో బీజేపీ వ్యూహం పన్నింది. అయితే, టీడీపీ ఎమ్మెల్యేలెవరూ బీజేపీ వైపు వెళ్ళలేదు సరికదా, టీడీపీ నుంచి వైఎస్సార్సీపీలోకి వలసలు జోరందుకుంటున్నాయి. ఈ నేపథ్యంలో బీజేపీ, పవన్ కళ్యాణ్ మద్దతుని కోరింది. దాంతో, ఈక్వేషన్స్ మారాయి. ఏపీలో బలపడాలంటే బీజేపీకి సరైన నాయకత్వం అవసరం. ఆ నాయకత్వం పవన్ కళ్యాణ్లో బీజేపీలోకి కనబడుతున్నట్లుంది. ఆ నాయకత్వ లక్షణాలు పవన్కి వున్నాయా.? లేదా.? అన్నది వేరే చర్చ.
వైఎస్సార్సీపీ నుంచి పవన్ కళ్యాణ్ వైపు కొందరు ఎమ్మెల్యేలు చూస్తున్నారంటూ బీజేపీ లీకులు సృష్టిస్తుండడం.. ఓ సామాజిక వర్గం, వైసీపీలో ఇమడలేకపోతోందనీ, అది జనసేన వైపు నడుస్తోందనీ చర్చ జరుగుతుండడం.. ఇవన్నీ వెరసి, రాష్ట్రంలో కొత్త రాజకీయ సమీకరణాలకు ఆస్కారం ఏర్పడేలానే వుంది. అయితే, అదంత తేలికైన వ్యవహారం కాదు. అదే సమయంలో, రాజకీయాల్లో ఏదైనా సాధ్యమే. ప్రభుత్వాన్ని పవన్ కూల్చేస్తారని ఎవరూ నమ్మరుగానీ.. ప్రభుత్వానికి మాత్రం కంటి మీద కునుకు లేకుండా చేసే సత్తా అయితే పవన్ కళ్యాణ్కి వుంది.
218948 875227hey was just seeing in the event you minded a comment. i like your internet site and the theme you picked is super. I is going to be back. 643767
433602 802939I like this site really a lot, Its a quite nice position to read and receive information . 408686