ఆంధ్రప్రదేశ్ ముఖ్యమంత్రి వైఎస్ జగన్ మోహన్రెడ్డి, రాష్ట్ర ప్రజలని ఉద్దేశించి నిన్న చేసిన ప్రసంగం సోషల్ మీడియాలో వైరల్గా మారింది. జగన్ ప్రసంగంలోంచి ఒక్కో పాయింట్నీ విడదీసి, ఓ రేంజ్లో వైరల్ చేసి పారేస్తున్నారు నెటిజన్లు. ‘అన్న ప్రెస్మీట్ పేరుతో ఓ రికార్డెడ్ వీడియో రిలీజ్ చేయబోతున్నాడట.. జ్ఞాన గుళికలకు సిద్ధమవ్వండి..’ అంటూ ముందుగానే నెటిజన్లు హడావిడి చేసేస్తున్నారు ప్రతిసారీ. వారు ఆశించినట్లే, ‘జ్ఞాన గుళికలు’ బయటకొస్తున్నాయి. రాజకీయ నాయకుల విషయంలో ఈ తరహా ట్రోలింగ్ కొత్తేమీ కాదు.
అయితే, వైఎస్ జగన్ మోహన్రెడ్డి విషయంలో ఇది ఇంకాస్త ఎక్కువగా జరుగుతోంది. ‘నువ్వు నేర్పిన విద్యే..’ అన్నట్లుగా గతంలో రాజకీయ ప్రత్యర్థుల్ని ట్రోల్ చేయడానికి వైసీపీ సోషల్ మీడియా విభాగం ఎంచుకున్న పంథానే ఇది. ఇప్పుడు వైఎస్ జగన్ మోహన్రెడ్డి మెడకు చుట్టుకుంటోంది.
సరే, ట్రోలింగ్ సంగతి పక్కన పెడదాం. ‘ఇష్టం వున్నా, లేకున్నా.. కరోనా వైరస్తో కలిసి మనం జీవితాన్ని కొంతకాలం పాటు కొనసాగించాలి..’ అని ముఖ్యమంత్రి వైఎస్ జగన్ మోహన్రెడ్డి సెలవిచ్చారు. ఇందులో కొంత వాస్తవం లేకపోలేదు. కానీ, ఆ పరిస్థితికి కారణమెవరు.? అన్నదే ఇక్కడ అసలు ప్రశ్న. ‘మామూలు జ్వరం మాత్రమే, ఇలా వచ్చి అలా పోతుంది..’ అంటూ మొదటి నుంచీ కరోనా వైరస్ని ముఖ్యమంత్రి వైఎస్ జగన్ లైట్ తీసుకున్నారు.
అలా ప్రభుత్వమే లైట్ తీసుకుంటే, ప్రజల భవిష్యత్తు ఇలా కాక ఇంకెలా వుంటుంది.? కరోనా వైరస్ని తొలి దశలోనే కట్టడి చేసి వుంటే, ఇప్పుడు ఈ దుస్థితి వచ్చేది కాదు. ‘కరోనా వైరస్తో కలిసి జీవించడమేంటి.?’ ఆ తలంపే వెన్నులో వణుకు పుట్టిస్తుంది ఎవరికైనా. మరణాల రేటు 3 శాతం లోపలే వుందని గణాంకాలు చెబుతున్నా.. మన దేశంలో 130 కోట్ల జనాభాలో ఆ 3 శాతం అంటే మాటలా.? కనీసపాటి ఇంగితం లేకుండా ప్రభుత్వ పెద్దలు మాట్లాడితే.. ప్రజలకు దిక్కెవరు.? కేరళ ఎలా కంట్రోల్ చేసింది, కర్నాటక ఎలా అదుపులోకి తెచ్చింది.? తెలంగాణ ఎంత వేగంగా స్పందించింది.? ఇవేవీ వైఎస్ జగన్ ప్రభుత్వం పరిగణనలోకి తీసుకుంటున్నట్లు కన్పించడంలేదు.
‘పారాసిటమాల్ వేసుకుంటే తగ్గిపోతుంది..’ అని ముఖ్యమంత్రి గతంలో ఇచ్చిన సలహా, ఇప్పుడు రాష్ట్ర ప్రజల కొంప ముంచేసిందా.? అన్న చర్చ సర్వత్రా జరుగుతోందంటే.. ఈ వైపరీత్యానికి ముఖ్యమంత్రి బాధ్యత ఎందుకు వహించకూడదు.! ఇప్పటికీ ఆంధ్రప్రదేశ్లో చాలా చోట్ల జనం లాక్డౌన్ని పాటించడంలేదు.. అందునా, ఉల్లంఘనుల్లో అధికార పార్టీ నేతలే ఎక్కువమంది వుంటున్నారు. అంటే, కరోనా వైరస్ విషయంలో అధికార పార్టీ ఉద్దేశ్యమేంటి.!
936163 568578i always enjoy to do weblog hopping and i stumbled upon your blog .”~; 684726