దేశంలోని ప్రముఖ నగరాల్లో కరోనా వైరస్‌ విజృంభిస్తోంది. వాటన్నిటితో పోల్చి చూస్తే, హైద్రాబాద్‌ పరిస్థితి కాస్త బెటర్‌. తెలంగాణలో గ్రేటర్‌ హైద్రాబాద్‌ పరిధిలోనే ఎక్కువగా కరోనా పాజిటివ్‌ కేసులు వెలుగు చూస్తున్నాయి. మిగతా జిల్లాలు కరోనా నుంచి విముక్తి పొందినట్లే చెప్పాలి. గత కొద్ది రోజులుగా తెలంగాణలోని ఇతర జిల్లాల్లో కొత్త కేసుల నమోదు కన్పించడంలేదు. కానీ, జీహెచ్‌ఎంసీ పరిధిలో పరిస్థితి ఇందుకు భిన్నంగా వుంది.
ఇదిలా వుంటే, కేంద్రం తెలంగాణలో తక్కువ స్థాయిలో కరోనా టెస్ట్‌లు జరగడం పట్ల ఆందోళన వ్యక్తం చేస్తోంది. కరోనా టెస్టుల సంఖ్య పెంచాల్సి వుందనీ, లేని పక్షంలో ప్రమాదకర పరిస్థితులు తలెత్తుతాయనీ కేంద్రం ఇప్పటికే తెలంగాణ ప్రభుత్వానికి తేల్చి చెప్పింది. అయితే, కంటెయిన్‌మెంట్‌ విషయంలోనూ, వైద్య చికిత్స విషయంలోనూ ఎక్కడా రాజీ పడటంలేదనీ, టెస్టుల సంఖ్య గురించి రచ్చ అవసరం లేదని తెలంగాణ ప్రభుత్వం చెబుతోంది. ‘ఐసీఎంఆర్‌ గైడ్‌లైన్స్‌ మేరకే పరీక్షలు నిర్వహిస్తున్నాం..’ అని నిన్న తెలంగాణ వైద్య ఆరోగ్య శాఖ మంత్రి ఈటెల రాజేందర్‌ కుండబద్దలుగొట్టేసిన విషయం విదితమే.
ఇదిలా వుంటే, కరోనా టెస్టుల వ్యవహారం ఇప్పుడు రాజకీయంగా పెను దుమారం రేపుతోంది. ‘తెలంగాణలో కేసీఆర్‌ సర్కార్‌ వాస్తవాల్ని దాచిపెడ్తోంది’ అంటూ విపక్షాలు గుస్సా అవుతున్నాయి. తెలంగాణ ప్రజానీకంలోనూ ఇప్పుడు కరోనా టెస్టుల విషయంలో ఆసక్తికరమైన చర్చ జరుగుతోంది. నిజానికి, కరోనా విషయంలో ఏ ముఖ్యమంత్రీ తమ ప్రజలకు ఇవ్వనంత ధైర్యాన్ని, భరోసానీ తెలంగాణ ప్రజలకు కేసీఆర్‌ ఇస్తూ వచ్చారు. ఇందులో ఇంకో మాటకు తావు లేదు. మరి, కరోనా టెస్ట్‌ల విషయంలో ఎందుకీ రగడ.? కేంద్రంతో ఎందుకీ పంచాయితీ.?
పొరుగు రాష్ట్రాలతో పోల్చితే తెలంగాణలో కరోనా టెస్ట్‌ల సంఖ్య చాలా తక్కువగా వుందన్నది నిర్వివాదాంశం. ‘అవసరానికి తగ్గట్టు మాత్రమే పరీక్షలు చేస్తున్నాం..’ అనే ప్రభుత్వ వాదన ఎంతవరకు సబబు.? అన్న చర్చ జనంలో జరుగుతున్న దరిమిలా.. ఈ విషయమై తెలంగాణ ప్రభుత్వం పునరాలోచించక తప్పదు. కేసులు ఎక్కువగా నమోదవుతున్న జీహెచ్‌ఎంసీ పరిధిలో అయినా టెస్ట్‌ల సంఖ్య పెరిగితే మంచిదేమో.
193604 391675Thank you for the excellent writeup. It in fact was a amusement account it. Appear advanced to far added agreeable from you! However, how could we communicate? 744730