‘సమ్మతమే’.. ప్రేక్షకుల సమ్మతంతో మంచి హిట్ అవుతుంది: హీరో కిరణ్ అబ్బవరం

యంగ్ హీరో కిరణ్ అబ్బవరం నటించిన రొమాంటిక్ ఎంటర్టైనర్ “సమ్మతమే”. గోపీనాథ్ రెడ్డి దర్శకత్వంలో తెరకెక్కిన సినిమాలో చాందిని చౌదరి హీరోయిన్. యూజీ ప్రొడక్షన్స్ బ్యానర్ పై కంకణాల ప్రవీణ నిర్మించారు. సినిమా జూన్ 24న విడుదలవుతున్న సందర్భంగా హీరో కిరణ్ అబ్బవరం మీడియాతో చిత్ర విశేషాలను పంచుకున్నారు.

ఇంటికి మళ్ళీ ఆడపిల్ల వస్తే..

దర్శకుడు గోపీనాథ్, నాదీ నాలుగేళ్ళ ప్రయాణం. అన్నదమ్ముల్లా ఉంటాం. హైదరాబాద్ లో షార్ట్ ఫిలిమ్స్ చేస్తున్నప్పటి నుంచి పరిచయం. సినిమా పట్ల ఇద్దరి ప్యాషన్ ఒక్కటే. నేను హీరోగా చేస్తుంటే.. గోపి కథ రాస్తున్నాడు. స్క్రిప్ట్ పక్కాగా సిద్ధమయ్యాకే ‘సమ్మతమే’ స్టార్ట్ చేశాం. సింపుల్ పాయింట్ తో వినోదం, యూత్ ఫుల్ ఫ్యామిలీ ఎంటర్టైనర్ గా తీర్చిదిద్దాం. సినిమాలో హీరో పేరు కృష్ణ. తల్లి చిన్నప్పుడే చనిపోతుంది. ఆ ఇంటికి మళ్ళీ ఆడపిల్ల వస్తే.. అనేది కాన్సెప్ట్. పెళ్లి పై శుభసంకల్పం వున్న క్యారెక్టర్ కి పెళ్లి చూపుల్లో ఎలాంటి అమ్మాయి ఎదురైయింది ? ఎలా ఎదుర్కున్నాడు ? మధ్యతరగతి కుర్రాడు సిటీ నేపధ్యం వున్న అమ్మాయి ప్రేమలో పడితే ఎలా వుంటుంది ? అనే అంశాలు సరదాగా ఉంటాయి. శేఖర్ చంద్ర మంచి ఆల్బం ఇచ్చారు.

హీరోయిన్ కోసం ఐదు నెలలు

ఒక అమ్మాయి తాలూకు ఎమోషన్స్ అన్నీ వుంటాయి. ఒక మధ్యతరగతి తండ్రి కొడుకు, తల్లి, కొడుకు మధ్య అనుబంధం ఎమోషనల్ గా వుంటుంది. అద్భుతమైన క్లైమాక్స్ వుంటుంది. అందరూ కనెక్ట్ అవుతారనే నమ్మకం ఉంది. ఇది మనోడి కథరా అనే ఫీలింగ్ వునప్పుడే నేను ఎక్కువ ఎగ్జైట్ అవుతాను. సమ్మతమే టైటిల్ విన్నప్పుడే చాలా ఎగ్జైట్ ఫీలయ్యాం. హీరోయిన్ ని ఎంపికకు ఐదు నెలల సమయం పట్టింది. చాలా రిజక్షన్స్ కూడా అయ్యాయి. తెలుగమ్మాయి చాందినీ అయితే జోడి బావుంటుందని దర్శకుడు గోపి ఫైనల్ చేశారు. చాందినీ నాలానే కొంచెం హైపర్ యాక్టివ్ గా వుండటం.. ఇద్దరం ఫ్రెండ్స్ లా ఉండటంతో మామధ్య సన్నివేశాలు బాగా వచ్చాయి. చాలా సహజంగా వచ్చాయి. ఇద్దరం షార్ట్ ఫిలింస్ నుంచే రావడంతో కంఫర్ట్ జోన్ వుంది. ఆ ఫ్రెష్ నెస్ స్క్రీన్ పై చూస్తారు.

నాలుగు సినిమాలు చేస్తున్నా..

చూడటానికి ‘సమ్మతమే’ సాఫ్ట్ గా కనిపించినా.. మాస్ టీజింగ్ వుంటుంది. సినిమా లో బిగ్ క్యాస్టింగ్ ఉంది. సప్తగిరి గారి ఎపిసోడ్ బావుంటుంది. లిమిటెడ్ బడ్జెట్ అనుకున్నా పెద్ద సినిమా అయ్యింది. సినిమాలో రిచ్ నెస్ కనిపిస్తుంది. హీరోలు ఎక్కువ సినిమాలు చేయడమే కరెక్ట్ అనేది నా అభిప్రాయం. వరుసగా సినిమాలు చేస్తుంటే అందరికీ పని దొరుకుతుంది. వరుసగా నాలుగు సినిమాలు చేస్తున్నా వాటికి కేటాయించే సమయం ఎక్కువ. నా దర్శకులు, నిర్మాతలు బలంగా వుండటం నా అదృష్టం. రాబోయే నా నాలుగు సినిమాలు పెద్ద స్కేల్లో చేశాం. ఆగస్ట్ లో ‘నేను మీకు బాగా కావాల్సిన వాడిని’ సెప్టెంబర్ చివరిలో ‘వినరో భాగ్యం విష్ణు కథ’ గీత ఆర్ట్స్ రిలీజ్ కి ప్లాన్ చేస్తున్నారు. తర్వాత మైత్రీ మూవీ మేకర్స్ సినిమా వుంటుంది. ఈ ఏడాదిలోనే ఈ మూడు సినిమాలు విడుదలవుతాయి.