వరుస పరాజయాలతో టెన్షన్ మీదున్న మాస్ రాజా రవితేజకు ఇప్పుడు సరైన హిట్టుపడాలి. లేదంటే కెరీర్ ఇంకా వెనకపడిపోతుంది. అందుకే ఆయన సక్సెస్ కోసం తపిస్తున్నాడు. వరుస పరాజయాలతో సతమతమైన రవితేజ ఏకంగా ఏడాది గ్యాప్ తీసుకుని రెండో ఇన్నింగ్ మొదలు పెట్టాడు. కానీ రెండో ఇన్నింగ్స్ లో ఒక్క సినిమా మాత్రమే హిట్ అందుకుంది. ఆ తరువాత ఎన్ని సినిమాలు చేసినా ఫలితం మాత్రం మారలేదు. దాంతో కాస్త భిన్నంగా డిస్కో రాజా అంటూ మరో ప్రయత్నం చేస్తున్నాడు రవితేజ.
ఎక్కడికి పోతావు చిన్నవాడా ఫేమ్ వి ఐ ఆనంద్ దర్శకత్వంలో తెరకెక్కుతున్న ఈ సినిమాలో రవితేజ తండ్రి కొడుకులుగా ద్విపాత్రాభినయంలో కనిపిస్తారట. అయితే ఈ రెండు పాత్రలకు ఓ విచిత్రమైన డిజార్డర్ ఉంటుందట. ఆ డిసార్డర్ ద్వారా కామెడీ బాగా పండుతుందని అంటున్నారు. సినిమా మొత్తం ఈ విషయం చుట్టే తిరుగుతుందని వార్తలు వస్తున్నాయి. పాయల్ రాజ్ పుత్, ప్రియాంకా జవాల్కర్, నభ నటేష్ లు హీరోయిన్స్ గా నటిస్తున్న ఈ సినిమా టైటిల్ ఇప్పటికే ప్రేక్షకుల్లో ఆసక్తిని క్రియేట్ చేసింది.
ఇప్పుడు రవితేజ ఆశలన్ని డిస్కో రాజాపైనే ఉన్నాయి. అందుకే ఈ సినిమాతో ప్రయోగం చేస్తున్నాడు. అటు దర్శకుడిగా వి ఐ ఆనంద్ కు సరైన హిట్టు కావాలి. భిన్నమైన కథలను టచ్ చేస్తూ కొత్తగా చెప్పే ప్రయత్నం చేస్తుంటాడు ఈ దర్శకుడు. అదే నేపథ్యంలో ఈ సినిమా తెరకెక్కనుంది. రవితేజ ఈ సినిమాతో పాటు మాస్ దర్శకుడు వినాయక్ తో కూడా సినిమా చేసేందుకు ఓకే చెప్పినట్టు వార్తలు వస్తున్నాయి.