దర్శకులు నటులు అవడమన్నది ఈరోజు ఉన్నది కాదు. ఎప్పటి నుండో మనం చూస్తున్నదే. రీసెంట్ గా దర్శకుడు గౌతమ్ మీనన్ నటుడిగా మారి హల్చల్ చేస్తున్న విషయం తెల్సిందే. ఈ నేపథ్యంలో మరో విలక్షణ దర్శకుడు ముఖానికి రంగు వేసుకోనున్నాడు.
యుగానికి ఒక్కడు, 7/జి బృందావని కాలనీ, ఆడవారి మాటలకు అర్ధాలే వేరులే వంటి సినిమాలతో గుర్తింపు పొందిన సెల్వ రాఘవన్ ఇప్పుడు సినిమాల్లో నటించబోతున్నాడు. అరుణ్ మాతేశ్వరన్ అనే దర్శకుడు రూపొందించే చిత్రంలో సెల్వ రాఘవన్ కీలక పాత్రలో కనిపించనున్నాడు. అంతే కాకుండా ఈ సినిమాలో కీర్తి సురేష్ హీరోయిన్ గా కనిపించనుందని తెలుస్తోంది.
ప్రస్తుతం హీరోయిన్ గా కీర్తి సురేష్ హవా మాములుగా లేదు. అటు లేడీ ఓరియెంటెడ్ చిత్రాలు, ఇటు కమర్షియల్ సినిమాలను బ్యాలెన్స్ చేస్తూ కీర్తి సురేష్ ముందుకు సాగుతోంది. రీసెంట్ కీర్తి నటించిన గుడ్ లుక్ సఖి చిత్రానికి సంబంధించిన టీజర్ విడుదలై మంచి రెస్పాన్స్ తెచ్చుకుంది.
ఆమె నటించిన మిస్ ఇండియా విడుదలకు ఎదురుచూస్తోంది. అటు నితిన్ హీరోగా రంగ్ దే సినిమాలో కీర్తినే హీరోయిన్. మరోవైపు సూపర్ స్టార్ మహేష్ బాబు సరసన నటించే అవకాశం కూడా పట్టేసింది కీర్తి. మహేష్ సర్కారు వారి పాటలో ఈమె ఫైనల్ అయిన విషయం తెల్సిందే.
ఇక సెల్వ రాఘవన్ తో నటించనుండడం తనకు చాలా ఎగ్జైటింగ్ గా ఉందని తెలిపింది కీర్తి.
jazz instrumental