రాశి ఫలాలు: గురువారం 28 జనవరి 2021

పంచాంగం

శ్రీ శార్వరి నామ సంవత్సరం ఉత్తరాయణం హేమంత ఋతువు పుష్య మాసం శుక్లపక్షం

సూర్యోదయం: ఉ.6:38
సూర్యాస్తమయం: సా.5:50
తిథి: పౌర్ణమి రా.12:58 వరకు తదుపరి పాడ్యమి
సంస్కృతవారం: బృహస్పతి వా‌సరః
నక్షత్రము: పుష్యమి రా.తె.4:29 వరకు తదుపరి ఆశ్లేష
యోగం: ప్రీతి రా.8:03 వరకు
కరణం: విష్టి మ.12:58 వరకు తదుపరి బవరా.12:42 వరకు
వర్జ్యం: ప.12:11 నుండి మ.1:49 వరకు
దుర్ముహూర్తం: ఉ.10:19 నుండి ఉ.11:03 వరకు తదుపరి మ.2:45 నుండి 3:29 వరకు
రాహుకాలం: మ.1:58 నుండి మ.3:28 వరకు
యమగండం: ఉ.6:38 నుండి ఉ.8:08 వరకు
గుళిక కాలం: ఉ.9:40నుండి మ.11:05వరకు
బ్రాహ్మీ ముహూర్తం: తె.5:16 నుండి ఉ.6:04 వరకు
అమృత ఘడియలు: రా.9:29 నుండి రా.11:05 వరకు
అభిజిత్ ముహూర్తం: ప.12:06 నుండి 12:51వరకు

ఈరోజు. (28-01-2021) రాశి ఫలితాలు

మేషం: రావలసిన ధనం చేతికందడంలో ఆలస్యం అవుతుంది. నూతన వ్యాపార ప్రారంభమునకు అనుకూల వాతావరణం ఉంటుంది. ఉద్యోగ విషయంలో చేపట్టిన పనులలో శ్రద్ద వహించాలి. ఖర్చులు సామాన్యంగా ఉంటాయి. కుటుంబ పెద్దల ఆరోగ్య విషయంలో జాగ్రత్త వహించాలి.

వృషభం: స్త్రీ సంబంధిత ఇబ్బందులు ఎదురవుతాయి. భాగస్వామ్య వ్యాపారాలు కొత్త విషయాలు గూర్చి చర్చిస్తారు. విద్యార్థులకు ఒత్తిడి పెరుగుతుంది. కొన్ని రంగాలవారికి ఇబ్బందులు తప్పవు. వృత్తి, ఉద్యోగాలలో జీవిత భాగస్వామి సలహాలు తీసుకోవడం మంచిది.

మిధునం: కొందరి మాటలు మనస్థాపం కలిగిస్తాయి. గృహ నిర్మాణ పనులు మందకొడిగా సాగుతాయి. సోదరులతో మాటపట్టింపులు ఏర్పడతాయి. వ్యాపారాలు సామాన్యంగా ఉంటాయి. ప్రయాణాలు అనుకూలత లేదు. వృత్తి ఉద్యోగాలలో అదనపు పనిభారం కలుగుతుంది.

కర్కాటకం: చేపట్టిన పనుల్లో శ్రమకు తగిన ఫలితం పొందుతారు. నిరుద్యోగులకు అవకాశాలు లభిస్తాయి. సంఘంలో కీర్తి ప్రతిష్టలు పెరుగుతాయి. దూరప్రయాణాలు లాభదాయకంగా ఉంటాయి. వ్యాపారాలలో ఆశించిన ఫలితాలు పొందుతారు. ఉద్యోగమున అధికారుల నుండి అనుకూలత పెరుగుతుంది.

సింహం: ఖర్చులు అధికమవుతాయి. ఆదాయం అంతగా ఉండదు. ఒక ముఖ్యమైన వ్యవహారంలో బంధుమిత్రుల నుండి ఊహించని సమస్యలు కలుగుతాయి. అనారోగ్య సూచనలు ఉన్నవి. చిన్న తరహా పరిశ్రమల వారికి సామాన్యంగా ఉంటుంది. ఉద్యోగమున చికాకులు తప్పవు.

కన్య: సంఘంలో ముఖ్యమైన కార్యక్రమాలలో చురుకుగా పాల్గొంటారు. గృహమున వివాహ ప్రస్తావన వస్తుంది. విద్యార్థులు ఆశించిన ఫలితాలు పొందుతారు. కొన్ని రంగాల వారికి అనుకూల ఫలితాలు ఉంటాయి. గృహ నిర్మాణ ప్రయత్నాలు కలిసివస్తాయి. ఉద్యోగమున ఉత్సాహ వాతావరణం ఉంటుంది.

తుల: వృత్తి, ఉద్యోగాలలో సహనంతో వ్యవహరించాలి. వ్యాపారాలు విస్తరించాలని ఆలోచన ఆచరణలో పెడతారు. పెట్టుబడులు పెట్టె విషయంలో పునరాలోచన చేయడం మంచిది. ఆర్థిక వ్యవహారాలు నిరుత్సాహ పరుస్తాయి. నిరుద్యోగులు మరింత కష్టపడాలి.

వృశ్చికం: చేపట్టిన పనులలో ఆటంకాలు కలుగుతాయి. కుటుంబ సభ్యులమధ్య అవగాహన లోపించి మనస్పర్ధలు కలుగుతాయి. చిన్ననాటి మిత్రులతో కొన్ని విషయాల గురించి చర్చిస్తారు. నిరుద్యోగులకు శ్రమాధిక్యతతో ఉద్యోగ అవకాశాలు లభిస్తాయి. వ్యాపారాలు నత్తనడక సాగుతాయి.

ధనస్సు: ప్రయాణాలలో వాహన ప్రమాద సూచనలున్నవి. దాయాదులతో స్థిరాస్తి తగాదాలు పెరుగుతాయి. విద్యార్థులు పోటీ పరీక్షలలో ఉత్తీర్ణత సాధిస్తారు.. దైవ సంబంధిత విషయాల పట్ల ఆస క్తి పెరుగుతుంది. వ్యాపార ఉద్యోగ విషయాలలో వివాదాలకు దూరంగా ఉండటం మంచిది.

మకరం: జీవిత భాగస్వామి ఆరోగ్య విషయంలో శ్రద్ద తీసుకోవాలి. ఖర్చులను అదుపులో పెట్టుకోవాలి. పనులు సకాలంలో పూర్తికావు. క్రయ విక్రయాలు నిరుత్సాహ పరుస్తాయి. ఒక వ్యవహారంలో సోదరులతో విభేదిస్తారు. ఉద్యోగాల్లో కొందరి వలన విమర్శలు ఎదుర్కొంటారు.

కుంభం: వృత్తి ఉద్యోగాలలో అధికారులతో సఖ్యతగా వ్యవహరించి పనులు పూర్తిచేస్తారు. వ్యాపారాలు విస్తరిస్తారు. ఆర్ధిక అభివృద్ధి కలుగుతుంది. ఇతరులకు సహాయం చేస్తారు. నిరుద్యోగ ప్రయత్నాలు ఫలిస్తాయి. సంఘంలో విశేషమైన ఆదరణ కలుగుతుంది.

మీనం: సంతానం విషయంలో వివాదాలుంటాయి. ఆర్ధిక లావాదేవీలు సామాన్యంగా సాగుతాయి. వ్యాపారాలలో ఇతరుల నుండి ఒత్తిడి పెరుగుతుంది. శారీరక శ్రమ పెరుగుతుంది. భూ సంబంధిత వ్యవహారాలలో తగాదాలు కలుగుతాయి. వృత్తి ఉద్యోగాలలో మిశ్రమ ఫలితాలుంటాయి.