‘చిరంజీవిగారితో హృదయపూర్వక భేటీ జరిగింది.. సైరా హిమ్ సెల్ఫ్.. ఆయన మరిన్ని ఆనందాల్నీ, జ్ఞాపకాల్నీ అందించాలి..’ అంటూ సోషల్ మీడియా వేదికగా ఆంధ్రప్రదేశ్ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్రెడ్డి చేసిన పోస్టింగ్ ఇప్పుడు సర్వత్రా చర్చనీయాంశంగా మారింది. మెగాస్టార్ చిరంజీవితో భేటీ అనంతరం వైఎస్ జగన్ మోహన్రెడ్డి తన అధికారిక ఫేస్బుక్ పేజ్లో పై కామెంట్ చేశారు.
ఇంతకీ, ఈ భేటీలో ఏయే అంశాలు చర్చకు వచ్చాయి.? అన్నది మాత్రం తెలియరాలేదు. అత్యంత విశ్వసనీయ వర్గాల సమాచారం ప్రకారం సినీ అంశాలతోపాటు, రాజకీయ అంశాలు కూడా చర్చకు వచ్చినట్లు తెలుస్తోంది. ‘సైరా నరసింహారెడ్డి’ సినిమాని చూడాల్సిందిగా వైఎస్ జగన్ మోహన్రెడ్డికి చిరంజీవి సూచించగా, ‘సినిమా గురించి మంచి విషయాల్ని వింటున్నాను.. త్వరలోనే చూస్తాను..’ అని వైఎస్ జగన్, చిరంజీవికి చెప్పారట. ఈ భేటీలో చిరంజీవి సతీమణి సురేఖ, వైఎస్ జగన్ సతీమణి భారతి పాల్గొన్నారు. చిరంజీవి దంపతులకు, వైఎస్ జగన్ దంపతులు ఓ మెమొరబుల్ విందు కూడా ఇచ్చారు.
చిరంజీవి దంపతులు, వైఎస్ జగన్ దంపతుల్ని కలిశాక, చిరంజీవి, వైఎస్ జగన్ని శాలువాతో సత్కరించారు. మరోపక్క, వైఎస్ జగన్ కూడా చిరంజీవికి శాలువా కప్పి సత్కరించారు. కుశల ప్రశ్నల అనంతరం ‘సైరా నరసింహారెడ్డి’ ముచ్చట్లు, ఆ తర్వాత రాజకీయ పరమైన మాటలు వచ్చినట్లు తెలుస్తోంది. కాంగ్రెస్ నేతగా, కేంద్ర మంత్రిగా పనిచేసిన సమయంలో పరోక్షంగా వైఎస్ జగన్ మీద చిరంజీవి విసుర్లు అప్పట్లో చర్చనీయాంశమయ్యాయి.
మరోపక్క, రాజకీయ ప్రత్యర్థిగా చిరంజీవిని భావించి.. అప్పట్లో జగన్ సహా వైఎస్సార్సీపీ నేతలు చిరంజీవిపై చేసిన విమర్శల గురించి ఎంత చెప్పుకున్నా తక్కువే. అదంతా గతం. ఇప్పుడు పరిస్థితులు మారాయి. చిరంజీవి ప్రత్యక్ష రాజకీయాలకు దూరంగా వున్నారు. ఇదిలా వుంటే, చిరంజీవి – జగన్ల మధ్య రాజకీయ విబేధాల్ని పక్కన పెడితే, జగన్ – చిరంజీవిని ప్రత్యేకంగా అభిమానిస్తారు. సాక్షి ఛానల్ ప్రారంభోత్సవానికి చిరంజీవి హాజరవడం అప్పట్లో చర్చనీయాంశంగా మారింది. అప్పటినుంచీ ఇప్పటిదాకా జగన్ – చిరంజీవి మధ్య సన్నిహిత సంబంధాలు అలాగే కొనసాగుతున్నాయి.
219431 616918Man you legend. return see my web site, you must get pleasure from it. 570967
729148 707834jobs for high school students – Search for Jobs on our site, we give several good links to the very best and biggest Portals to obtaining a Job as a high school student! 166686