రెమ్యునరేషన్ తిరిగిచ్చిన చిరంజీవి.! జస్టిస్ ఫర్ కొరటాల వెనుక ఎవరు.?

ఒక్క సినిమాతో పోయేంత చిన్నదా మెగాస్టార్ చిరంజీవి రెప్యుటేషన్.? ‘ఆచార్య’ సినిమా చుట్టూ పనిగట్టుకుని దుష్ప్రచారం జరుగుతోంది. నిజానికి, ఇది ఇప్పుడు మొదలైన కథ కాదు. ‘ఆచార్య’ కాంబినేషన్ సెట్ అవడమే కొందరికి నచ్చలేదు. అప్పటినుంచే దుష్ప్రచారం షురూ అయ్యింది. సినిమా ఆగిపోయిందన్నారు.. ఏవేవో కథలు అల్లారు. కానీ, సినిమా విడుదలయ్యింది. తొలి రోజు సినిమాపై నడిచిన నెగెటివ్ టాక్ అంతా ఇంతా కాదు.

‘ఆచార్య’ సినిమాపై అత్యంత దిక్కుమాలిన రాజకీయం నడిచింది. ఆంధ్రప్రదేశ్‌లో రెండు ప్రధాన రాజకీయ పార్టీలు ఈ సినిమాకి యాంటీగా పనిచేశాయి. మెగా కాంపౌండ్‌లోనూ చీలిక తెచ్చేలా సోషల్ మీడియాలో దుష్ప్రచారాలు జరిగాయి. ఇంతా చేసి ఏం సాధించినట్టు.? సినిమా ఫ్లాపయ్యింది.. దాని వల్ల చిరంజీవికి నష్టమేంటి.? అన్న మినిమమ్ కామన్సెన్స్ లేకుండా పోయింది.

తాజాగా, ‘జస్టిస్ ఫర్ కొరటాల’ అంటూ ఓ హ్యాష్ ట్యాగ్ ట్రెండింగ్ అవుతోంది. దీని వెనుక పెద్ద ‘కుట్ర’ కనిపిస్తోంది. నందమూరి అభిమానులు, యంగ్ టైగర్ అభిమానులు, మహేష్ అభిమానులు, ప్రభాస్ అభిమానులు, అల్లు అర్జున్ అభిమానులు.. ఇలా రకరకాల ముసుగులేసుకుని, కొందరు సోషల్ మీడియాలో ఈ హ్యాష్ ట్యాగ్‌ని ట్రెండింగ్ చేస్తున్నారు.

తీసుకున్న అడ్వాన్స్ మినహా, రెమ్యునరేషన్‌ని పూర్తిగా పొందలేదు చిరంజీవి అయినా, చరణ్ అయినా. ఈ విషయాన్ని కొరటాల స్వయంగా పలు సందర్భాల్లో వెల్లడించిన సంగతి తెలిసిందే. ‘ఆచార్య’ ఫ్లాప్ నేపథ్యంలో చిరంజీవి 20 కోట్లను తిరిగి ఇచ్చేశారు కూడా.!

అయినా, ‘ఆచార్య’ ప్రీ రిలీజ్ బిజినెస్ బీభత్సంగా జరిగింది. మొత్తం కథ నడిపింది స్వయానా దర్శకుడు కొరటాల శివ. లాభ నష్టాల వ్యవహారమంతా ఆయనే చూసుకోవాలి, చూసుకుంటున్నాడేమో కూడా. కానీ, చిరంజీవి తనవంతు బాధ్యతగా తాను చెయ్యాల్సింది చేసేశాడు. వాస్తవానికి, చిరంజీవితో చేయాల్సిన సినిమాలోకి రామ్ చరణ్‌ని లాక్కొచ్చిందే కొరటాల శివ. ఈ క్రమంలో రాజమౌళిని ఒప్పించే బాధ్యతని చిరంజీవి భుజానికెత్తుకున్నారు.

ఇప్పుడు ఏయే హీరోల అభిమానులైతే సోషల్ మీడియా వేదికగా చెలరేగిపోతున్నారో, ఆయా హీరోల సినిమాలు కుప్పలు తెప్పలుగా ఫ్లాపులైతే, ఆయా నిర్మాతలు దుకాణాలు సర్దేశారు. హిట్టు సినిమాలకీ నిర్మాతలు దుకాణాలు సర్దేసిన ఘనులైన హీరోలున్నారు.. వాళ్ళ అభిమానులు చిరంజీవి మీద విమర్శలు చేయడమేంటో కామెడీ కాకపోతే.!

‘ఆచార్య’ దెబ్బకి చిరంజీవి రెప్యుటేషన్ చెడిపోయిందట.. రామ్ చరణ్ కెరీర్ అయోమయంలో పడిందంటూ పసుపు రక్తంతో నిండిపోయిన ఎల్లో కులగజ్జి వెబ్ మీడియా అంటుంటే ఎలా నవ్వాలో కూడా తెలియట్లేదు.?

నిర్మాణ సంస్థ పేరు వినపడటంలేదు.. కొరటాలకు నొప్పి లేదు.. కానీ, ఈ పైత్యం ఎవరిది.? మెగా కాంపౌండ్ మీద ఇంత ఏడుపెందుకు.? ఈ కుల పైత్యం ఎవరిది.?

రాజకీయాల్లోకి వెళ్ళి తొమ్మిదేళ్ళ తర్వాత రీ-ఎంట్రీ ఇస్తే, ఆ సినిమా నేరుగా వంద కోట్ల క్లబ్బులోకి చేరింది.. అదే ‘ఖైదీ నెంబర్ 150’. దటీజ్ చిరంజీవి.! ఏడ్చేవాళ్ళు ఏడ్వనీ..!