మెగా పవర్ స్టార్ రామ్ చరణ్ నటించిన ఆర్ ఆర్ ఆర్ మార్చ్ 25న ప్రేక్షకుల ముందుకు రానున్న విషయం తెల్సిందే. ఈ చిత్రం భారీ విజయం సాధించడం గ్యారంటీ అన్న అంచనాల్లో అందరూ ఉన్నారు. ఇక శంకర్ దర్శకత్వంలో సినిమా షూటింగ్ ను మొదలుపెట్టిన చరణ్ ఇప్పటికే మూడు షెడ్యూల్స్ ను పూర్తి చేసాడు. ఏప్రిల్ నుండి మరో షెడ్యూల్ ఉంటుంది.
తాజా సమాచారం ప్రకారం చరణ్ జులై నుండి మరో సినిమాను కూడా మొదలుపెట్టాలని అనుకుంటున్నట్లు సమాచారం. జెర్సీ ఫేమ్ గౌతమ్ తిన్ననూరి దర్శకత్వంలో చరణ్ సినిమా చేయడానికి ఒప్పుకున్న విషయం తెల్సిందే.
రామ్ చరణ్ స్నేహితుడు ఈ చిత్రాన్ని నిర్మించబోతున్నారు. కరోనా కారణంగా షూటింగ్స్ అన్నీ ఆలస్యం అవ్వడంతో చరణ్ ఈ ఏడాది రెండు సినిమాలను పూర్తి చేయాలన్న లక్ష్యంతో ముందుకు వెళ్తున్నాడు.