‘సైబరాబాద్ నిర్మాతని నేనే.. హైద్రాబాద్ నగరాన్ని అభివృద్ధి చేసింది నేనే..’ అని చెప్పుకునే నిప్పు నారా చంద్రబాబునాయుడి ఆచూకీ గ్రేటర్ హైద్రాబాద్ ఎన్నికల్లో కనిపించడంలేదు. ఉమ్మడి తెలుగు రాష్ట్రం విడిపోయాక, ఆంధ్రప్రదేశ్ ముఖ్యమంత్రి హోదాలో, అప్పట్లో జరిగిన గ్రేటర్ హైద్రాబాద్ ఎన్నికల్లో చంద్రబాబు చేసిన హడావిడి అంతా ఇంతా కాదు. చంద్రబాబు, ఆయన తనయుడు నారా లోకేష్, గ్రేటర్ హైద్రాబాద్ ఎన్నికల కోసం బీభత్సమైన వ్యూహం రచించేశారు. కానీ, ఏమయ్యింది.? టీడీపీకి కోలుకోలేని దెబ్బ తగిలింది గ్రేటర్ ఎన్నికల్లో.
ఏమో, ఆ ఎఫెక్ట్తోనేనేమో.. ఈసారి గ్రేటర్ ఎన్నికల సందర్భంగా చంద్రబాబు ఆచూకీ ఎక్కడా కనిపించడంలేదు. ఎన్టీఆర్ ఘాట్ విషయమై మజ్లిస్ ఎమ్మెల్యే అక్బరుద్దీన్ ‘కూల్చివేత’ వ్యాఖ్యలు చేయడంతో, చంద్రబాబు సహా నారా లోకేష్ సోషల్ మీడియాలో ఓ ట్వీట్ వేసి సరిపెట్టేశారు. టీడీపీ కొన్ని చోట్ల గ్రేటర్ ఎన్నికల్లో పోటీ చేస్తున్నా, ఆయా అభ్యర్థుల తరఫున చంద్రబాబుగానీ, లోకేష్గానీ ప్రచారం చేయకపోవడం తెలుగు తమ్ముళ్ళను షాక్కి గురిచేస్తోంది.
చాలా చోట్ల తెలుగు తమ్ముళ్ళు, గ్రేటర్ ఎన్నికల ప్రచారాన్ని పూర్తిగా లైట్ తీసుకున్నారు. కొన్ని చోట్ల మాత్రం కష్టపడుతున్నారు. చంద్రబాబు, సైబరాబాద్ నిర్మాత అనీ.. ఇంకోటనీ కీర్తనలతో కూడిన ప్రచార వాహనాలు చాలా అరుదుగానే గ్రేటర్ ఎన్నికల్లో దర్శనమిస్తున్నాయి. సుదీర్ఘ రాజకీయ అనుభవం వున్న చంద్రబాబు, ఉమ్మడి ఆంధ్రప్రదేశ్ని సుదీర్ఘ కాలం ముఖ్యమంత్రిగా పరిపాలించిన చంద్రబాబు, పాపం ఇలా గ్రేటర్ ఎన్నికల్లో ఓటర్లకు మొహం చూపించలేని పరిస్థితి రావడమంటే ఆశ్చర్యకరమే కదా.!
గ్రేటర్ హైద్రాబాద్ పరిధికి సంబంధించినంతవరకు తెలుగుదేశం పార్టీ పూర్తిగా ఖాళీ అయిపోయింది. చంద్రబాబుకి ఒకప్పుడు అత్యంత నమ్మకస్తులైన నేతలు, ఇప్పుడు టీఆర్ఎస్లో చక్రం తిప్పుతున్నారు. నిజానికి, వాళ్ళందర్నీ చంద్రబాబు తనంతట తానుగా దూరం చేసుకున్నారు. లేకపోతే, టీడీపీకి, చంద్రబాబుకీ ఇప్పుడు ఈ దుస్థితి వచ్చేది కాదు. ఆంధ్రప్రదేశ్లో మొన్నటి అసెంబ్లీ ఎన్నికల్లో దెబ్బతిన్నాక, సెటిలర్ల ఓటు బ్యాంకుపైనా అనుమానాలొచ్చాయేమో.. చంద్రబాబు తెలివిగా గ్రేటర్ ఎన్నికల ప్రచారాన్ని ‘స్కిప్’ చేసేశారు.
947989 413461A extremely informationrmative post and lots of genuinely honest and forthright comments produced! This surely got me thinking a whole lot about this concern so cheers a good deal for dropping! 685893
159818 895185Man you legend. return see my website, you should get pleasure from it. 138328