YS Bhaskar Reddy: వైయస్ భాస్కర్ రెడ్డి( YS Bhaskar Reddy) కి సిబిఐ( CBI) కోర్టు షాక్ ఇచ్చింది. మాజీమంత్రి వైయస్ వివేకానంద రెడ్డి( YS Vivekananda Reddy) హత్య కేసులో ఆరోపణలు ఎదుర్కొంటూ చంచల్ గూడ జైలులో రిమాండ్ లో ఉన్న ఆయనకు కోర్టు బెయిల్ నిరాకరించింది. బెయిల్ కోరుతూ ఇటీవల భాస్కర్ రెడ్డి కోర్టులో పిటిషన్ వేసిన విషయం తెలిసిందే. ఈరోజు ఆ పిటిషన్ ని కోర్టు కొట్టి వేసింది. మాజీ మంత్రి హత్య కేసులో సిబిఐ ఆయనను ఏప్రిల్ 16న అరెస్టు చేసి హైదరాబాద్ కి తరలించింది. అప్పటినుంచి ఆయన చంచల్ గూడ డిమాండ్ ఖైదీగా ఉన్నారు.
మరోవైపు భాస్కర్ రెడ్డి వేసిన బెయిల్ పిటిషన్ పై సిబిఐ కౌంటర్ పిటిషన్ వేసింది. భాస్కర్ రెడ్డిని విడుదల చేస్తే పులివెందులలోని సాక్షులను ప్రభావితం చేసే అవకాశం ఉందని న్యాయస్థానానికి సిబిఐ తెలిపింది. ఫలితంగా విచారణకి ఆటంకం కలగవచ్చని అభిప్రాయపడింది. ఆయన్ని అరెస్టు చేసిన సమయంలో పులివెందులలో జరిగిన ధర్నాలు, అల్లర్లను సిబిఐ న్యాయస్థానానికి గుర్తు చేసింది. సిబిఐ ప్రస్తావించిన అంశాలను పరిగణనలోకి తీసుకున్న న్యాయస్థానం భాస్కర్ రెడ్డి బెయిల్ పిటిషన్ ను కొట్టివేసింది. కేసు దర్యాప్తు కీలక దశలో ఉన్నప్పుడు బెయిల్ మంజూరు చేయలేమని తెలిపింది. సిబిఐ పేర్కొన్న అంశాలలో మెరిట్స్ ఉన్న కారణంగానే ఈ తీర్పు వెలువరించినట్లు చెప్పింది. మరోవైపు ఇప్పటివరకు భాస్కర్ రెడ్డిని సహ నిందితుడుగానే ప్రస్తావించిన సిబిఐ ఈ పిటిషన్ లో మాత్రం ఏ7 గా పేర్కొనడం గమనార్హం.
You can definitely see your skills in the work you write.
The world hopes for more passionate writers like you who
aren’t afraid to mention how they believe. At all times follow your heart.