Kevvu Karthik:’జబర్దస్త్’ కమెడియన్ కెవ్వు కార్తీక్( Kevvu Karthik) వివాహం ఘనంగా జరిగింది. తన సహచరి శ్రీలేఖ మెడలో గురువారం కార్తీక్ మూడు ముళ్ళు వేశాడు.. హైదరాబాద్ లో జరిగిన ఈ వేడుకకు పలువురు సినీ ప్రముఖులు హాజరయ్యారు. వీరి పెళ్లి ఫోటోలు సోషల్ మీడియాలో సందడి చేస్తున్నాయి. నెటిజెన్లు వీరికి శుభాకాంక్షలు తెలుపుతున్నారు. కమెడియన్లు గెటప్ శీను, అవినాష్ లు కూడా వీరి ఫోటోలను సోషల్ మీడియాలో షేర్ చేశారు.
సాఫ్ట్ వేర్ గా కెరియర్ మొదలుపెట్టిన కార్తిక్.. సినిమాలు మీద ఆసక్తితో మిమిక్రీ నేర్చుకున్నాడు. తొలినాళ్లలో సినీ ప్రముఖులు, రాజకీయ నేతల వాయిస్ లను మిమిక్రీ చేసేవాడు. వివిధ వేదికలపై మిమిక్రీ చేసి అందరి దృష్టిని ఆకర్షించిన కార్తిక్.. ‘జబర్దస్త్’ లోకి అడుగు పెట్టాడు. అక్కడ కూడా పలువురి వాయిస్ లను ఇమిటేట్ చేస్తూ గుర్తింపు తెచ్చుకున్నాడు. ప్రస్తుతం పలు సినిమాల్లో నటిస్తూ బిజీగా ఉన్నాడు. గతేడాది విడుదలైన ‘ముఖచిత్రం’ ఇటీవల ప్రేక్షకుల మందికి వచ్చిన ‘నేను స్టూడెంట్ సర్’ చిత్రాల్లో నటించాడు.