Varun Tej-Lavanya: మెగా ప్రిన్స్ వరుణ్ తేజ్ (Varun Tej) -లావణ్య త్రిపాఠి (Lavanya Tripathi) ఒక్కటి కాబోతున్నారు. వీరి నిశ్చితార్ధం శుక్రవారం సాయంత్రం హైదరాబాద్ (Hyderabad) లోని నాగబాబు (Nagababu) నివాసంలో ఘనంగా జరిగింది. ఇరు కుటుంబాల పెద్దలు, అత్యంత దగ్గరి సన్నిహితులు మాత్రమే వేడుకకు హాజరయ్యారు. వీరిలో మెగాస్టార్ చిరంజీవి దంపతులు, పవన్ కల్యాణ్, రామ్ చరణ్-ఉపాసన, అల్లు అర్జున్, వైష్ణవ్ తేజ్ తదితరులు ఉన్నారు. ఈ ఏడాది చివర్లో వీరి వివాహం జరుగబోతోందని తెలుస్తోంది.
కార్యక్రమానికి సంబంధించిన ఫొటోలు కొన్ని నెట్టింట్లో వైరల్ అవుతున్నాయి. దీంతో మెగా అభిమానులు, నెటిజన్లు వీరికి శుభాకాంక్షలు తెలుపుతున్నారు. వీరి నిశ్చితార్ధానికి సంబంధించి సోషల్ మీడియాలో #VarunLav అనే హ్యాష్ ట్యాగ్ వైరల్ అవుతోంది.
వరుణ్ తేజ్-లావణ్య త్రిపాఠి కలిసి మిస్టర్, అంతరిక్షం సినిమాల్లో కలిసి నటించారు. దీంతో వీరు స్నేహితులయ్యారు. ఆ స్నేహం ప్రేమగా మారింది. కొన్నాళ్లుగా వీరి ప్రేమ వ్యవహారం వార్తల్లో నిలుస్తోంది. ఎట్టకేలకు వీరు ఒక్కటవుతున్నారు.
కెరీర్ పరంగా వరుణ్ తేజ్ గాండీవధారి అర్జున సినిమాలో నటిస్తున్నారు. తర్వాత శక్తిప్రతాప్ సింగ్, కరుణ కుమార్ దర్శకత్వంలో నటించనున్నారు. లావణ్య తమిళంలో సినిమాతోపాటు అన్నపూర్ణ స్టూడియోస్ తెరకెక్కించే వెబ్ సిరీస్ లో నటిస్తున్నారు