ఏడ్చి సాధించేసింది శోభా శెట్టి.! కెప్టెన్సీ కోసం కంటెండర్ అయ్యే అవకాశాన్ని తృటిలో కోల్పోయినప్పటికీ, మరో అవకాశం ద్వారా ఆ కంటెండర్షిప్ గెలుచుకుంది శోభా శెట్టి.! ఒకటి కాదు, రెండు కాదు.. ఏకంగా 72 రకాలైన దుస్తుల్ని శరీరం మీద కప్పుకుని, వారెవ్వా అనిపించింది. ఈ వ్యవహారంలో శోభా శెట్టికి ప్రియాంక సాయం చేసింది.
మరోపక్క, ఇదే టాస్క్లో తేజ, యావర్ కూడా పాల్గొన్నారు. యావర్ అత్యధికంగా 70 దుస్తుల్ని ధరించాడు. కానీ, తేజ ఈ టాస్క్లో ఫెయిల్ అయ్యాడు. నిజానికి, అందరికంటే ఇది తేజకే కష్టమైన టాస్క్. అతని భారీ శరీరం, అన్ని దుస్తులు ధరించడానికి సహకరించలేదు. యావర్ హైట్ అతనికి కొంత మైనస్ అయినా, తనవంతుగా ప్రయత్నించాడు. శోభా శెట్టి బక్క పలచగా వుండడం ఆమెకు కలిసొచ్చింది.
కాగా, మరో టాస్క్లో తొట్టెలోంచి ప్లాస్టిక్ బాల్స్ బయటకు వేయాల్సి వుండగా, ఈ టాస్క్ని అందరికన్నా ముందు పూర్తి చేసిన అశ్విని, గంట మోగించడంలో అమాయకత్వం ప్రదర్శించింది. గౌతమ్ ఆ విషయంలో జాగ్రత్త పడి, కెప్టెన్సీకి కంటెండర్గా అర్హత సాధించాడు.
ఇదిలా వుంటే, హౌస్లో రతిక – యావర్ మధ్య నస చోటు చేసుకుంది. టెలికాస్ట్ అయిన ఎపిసోడ్లో అయితే అసలు రతిక – యావర్ దేని గురించి మాట్లాడుకుంటున్నారో ఎవరికీ అర్థం కాని పరిస్థితి. మరోపక్క కెప్టెన్ అర్జున్ని హౌస్లో చాలామంది కార్నర్ చేసేశారు.
ఇంతటి గందరగోళంలోనూ కాస్తంత రిలీఫ్ ఏంటంటే, శోభా శెట్టి – టేస్టీ తేజ మధ్య నడిచిన ఫన్ ట్రాక్. తేజ చపాతీలు తింటోంటే, అతనికి అడ్డు తగిలింది శోభా శెట్టి. ఈ విషయమై సరదాగా మందలించాడు బిగ్ బాస్. తేజకి చపాతీలు చేసి పెట్టాలని ఆదేశించాడు కూడా.
ఈ క్రమంలో తేజ, లవ్ సింబల్తో కూడిన చపాతీల్ని తేజకి చేసి పెట్టడమే కాదు, తినిపించింది కూడా.! అన్నట్టు, తేజని ‘శోభా శెట్టి’ టాట్టూ వెంటాడుతూనే వుంది. ఆ టాట్టూని తేజ ఎప్పుడు వేయించుకుంటాడో ఏమో.!