వీకెండ్ ఎవరో ఒకరు హౌస్ నుంచి ఎలిమినేట్ అవ్వాల్సిందే.! ప్రతి సోమవారం హౌస్‌లో నామినేషన్ల పర్వం నడుస్తుంది.. వీకెండ్ ఎలిమినేషన్ కోసం.! హౌస్ నుంచి బయటకు వెళ్ళిపోవాల్సి వస్తుంది కాబట్టి.. అలా బయటకు పంపేసే కంటెస్టెంట్స్ (అందులో ఒకరే బయకెళ్తారు) సంబంధించి, సరైన రీజన్‌ని కంటెస్టెంట్లు ఎంచుకోవాల్సి వుంటుంది.
కానీ, సిల్లీ నామినేషన్లతో ప్రతి సోమవారం పెంట పెంట చేసేస్తున్నారు కంటెస్టెంట్లు.! సిల్లీ రీజన్స్ కుదరవంటూ గతంలో బిగ్ బాస్ హెచ్చరించేవాడు.. లేదంటే, హోస్ట్ క్లాస్ తీసుకునేవాడు.. అది గతంలో వ్యవహారం. ఇప్పుడు పరిస్థితి వేరు.
అర్జున్‌ని తేజ సరదాగా నామినేట్ చేసేశాడు. చూడ్డానికి పరమ అసహ్యంగా అనిపించింది ఈ ఇద్దరి మధ్యా సంభాషణ. అంత సిల్లీగా వుంటే, అసహ్యంగానే వుంటుంది.. అక్కడికేదో కామెడీ అని ఇద్దరూ అనుకున్నారు. తేజ నామినేషన్‌తోనే సందీప్ ఔట్ అయిపోయాడన్న విషయాన్ని అర్జున్ మర్చిపోతే ఎలా.?
ఏడవలేక నవ్వినట్లు అర్జున్ వ్యవహరించాడా.? నిజంగానే నవ్వు వచ్చిందా.? ఏమో, అది అర్జున్‌కీ, తేజకీ తెలియాలి. ఇంకోపక్క ప్రియాంక – భోళే షావళి మధ్య గోల గోల అయ్యింది నామినేషన్ల సందర్భంగా. షరామామూలుగానే అమర్ – భోళే షావలి మధ్య కూడా రచ్చ జరిగింది.
శివాజీ చెప్పిన సిల్లీ రీజన్స్.. ఇంకా చెత్తగా వున్నాయి. అమర్ దీప్ అగ్రెసివ్ అయితే తప్పు.. పల్లవి ప్రశాంత్ ఎంత ఛండాలం చేసినా మంచిగానే వుంటుందన్నట్లు శివాజీ వ్యవహరించిన తీరు, నామినేషన్లలో శివాజీ కన్నింగ్ మెంటాలిటీని ఎక్స్‌పోజ్ చేసేసింది.
మరోపక్క, రతిక ఏదో వాదన పెట్టుకోవాలి కాబట్టి.. అన్నట్లే వ్యవహరించింది. దానికి ప్రియాంక నుంచి వచ్చిన రెస్పాన్స్ ఇంకా సిల్లీగా వుంది. ఓవరాల్‌గా కంటెస్టెంట్లలో ఎవరూ నామినేషన్ కోసం సరైన రీజన్స్ చెప్పలేకపోయారు.
గత వారం కుర్చీని తన్నిన అమర్ దీప్, ఈ వారం ఓ స్టూల్ లాంటిదాన్ని తన్నేశాడు. వీకెండ్‌లో నాగార్జున నుంచి ఇంకో క్లాసు, అమర్ దీప్ నుంచి ఇంకో క్షమాపణ ఫిక్సయిపోయినట్టే.!