‘ఆనందయ్య మందు ఆన్లైన్లో పంపిణీ లేదు’.. అది ఫేక్ వార్త: ఏపీ ప్రభుత్వం

నోటి ద్వారా వేసే ఆనందయ్య ఆయుర్వేద మందును సోమవారం నుంచి ఆన్ లైన్లో పంపిణీ చేస్తున్నట్టు ఆన్ లైన్ లో జరుగుతున్న ప్రచారం ఫేక్ అని ఏపీ ప్రభుత్వం స్పష్టం చేసింది. ఈమేరకు Childeal.comలో బుక్ చేస్తే ఇంటికే మందును పంపిస్తారని సోషల్ మీడియాలో మెసేజులు వైరల్ అయ్యాయి. దీంతో ఏపీ ప్రభుత్వం క్లారిటీ ఇచ్చింది. ఇదంతా తప్పుడు ప్రచారం అని ఆంధ్ర ప్రదేశ్ ప్రభుత్వ ఫ్యాక్ట్ చెక్ టీమ్ స్పష్టం చేసింది. అటువంటి వెబ్‌సైట్ ఏదీ లేదని ఇప్పటివరకూ ఎవరకీ అనుమతి ఇవ్వలేదని వెల్లడించింది. ప్రజలు ఈ ప్రచారాన్ని నమ్మొద్దని సూచించారు.

ఈ వెబ్ సైట్ పై రాజకీయ దుమారం చెలరేగింది. ఆనందయ్య మందు ద్వారా కాకాణి లబ్ధి పొందాలని చూస్తున్నారని.. ఉచితంగా ఇస్తున్న మందును 167కు అమ్ముకోవాలని చూస్తున్నారని సోమిరెడ్డి ఆరోపించారు. శ్రేషిత టెక్నాలజీ ద్వారా వెబ్‌సైట్‌ను రూపొందించారని.. ఈ కంపెనీలో వైసీపీ నేతలే డైరెక్టర్లుగా ఉన్నారని ఆరోపించారు. ఈ ఆరోపణలను ఎమ్మెల్యే కాకాణి కొట్టి పారేశారు.