20 నుంచి ఏపీ అసెంబ్లీ

ఏపీ అసెంబ్లీ బడ్జెట్ సమావేశాల ప్రారంభానికి తేదీ ఖరారైంది. ఈనెల 20న సమావేశాలు మొదలు కానున్నాయి. 2021-22కి సంబంధించిన పూర్తిస్థాయి బడ్జెట్ ను ఈ సందర్భంగా ప్రభుత్వం ప్రవేశపెట్టనుంది. వాస్తవానికి ఫిబ్రవరి లేదా మార్చి మొదటి వారంలోనే ఈ సమావేశాలు జరగాల్సి ఉండగా.. ప్రభుత్వం వాయిదా వేసింది. అయితే, ఈ ఏడాదికి సంబంధించిన బడ్జెట్ ప్రవేశపెట్టాల్సి ఉండటంతో తాజాగా వీటికి ముహూర్తం ఖరారు చేసింది. బుధవారం సాయంత్రానికి దీనికి సంబంధించిన నోటిఫికేషన్ విడుదలయ్యే అవకాశం ఉంది. సమావేశాలు ఎన్ని రోజులు నిర్వహించాలని అనే విషయాన్ని బీఏసీ భేటీలో నిర్ణయిస్తారు. కరోనా నేపథ్యంలో సాధ్యమైనన్ని తక్కువ రోజులే సమావేశాలు ఉండనున్నాయి. తొలిరోజు ఉభయ సభలను ఉద్దేశించి గవర్నర్ ప్రసంగిస్తారు. అనంతరం గవర్నర్ ప్రసంగానికి ఉభయ సభలు ధన్యవాదాలు తెలుపుతాయి. అనంతరం బడ్జెట్ ప్రవేశపెడతారు.