Ram Charan: పారిశ్రామిక దిగ్గజం ముఖేశ్ అంబానీ తనయుడు అనంత్ అంబానీ-రాధిక మర్చంట్ ప్రీ-వెడ్డింగ్ వేడుకలు అంగరంగ వైభవంగా జరిగాయి. మూడు రోజులపాటు జరిగిన వేడుకలకు ప్రపంచమే ఆశ్చర్యపోయింది. అపర కుబేరులు.. ప్రపంచ దిగ్గజాలు.. పారిశ్రామికవేత్తలు.. టెక్ సీఈఓలు.. దిగ్గజ నటీనటులు.. క్రీడాకారులు.. మరెందరో అతిధులతో సంబరాలు అంబరాన్నంటాయి. ఈ వేడుకకు ఆహ్వానం అందుకున్నారు రామ్ చరణ్-ఉపాసన. చూడముచ్చటైన జంటగా వేడుకలకు హాజరయ్యారు. ఎవరికీ దక్కని ఆహ్వానం.. మెగాస్టార్ చిరంజీవి తనయుడికే దక్కింది. చూసే కళ్లు కుళ్లుకోవా.. నొసలు చిట్లించుకోవా. కానీ.. ఏమీ అనలేని నిస్సహాయతతో గోతికాడ నక్కల్లా చూసే బ్యాచ్.. ఏం దొరుకుతుంది.. నెగటివ్ ప్రచారం చేసేయాలనే తాపత్రయం. దొరికింది. వెంకటేశ్.. వాసు సినిమాలో ‘ఇక మొదలెట్టమంటారా..’ అన్నట్టు.. మొదలెట్టేశారు.
ఖాన్ త్రయం పిలుపు..
బాలీవుడ్ దిగ్గజాలు ఖాన్ త్రయం (షారుఖ్ ఖాన్, సల్మాన్ ఖాన్, అమీర్ ఖాన్) వేదికపై మన తెలుగు పాట ‘నాటు-నాటు’కు చిందేశారు. రామ్ చరణ్ ఇక్కడే ఉన్నాడని షారుఖ్ చెవిలో అక్కడే ఉన్న నీతా అంబానీ చెప్పారు. వెంటనే.. రామ్ చరణ్.. కహా వో తుమ్.. అని షారుఖ్.. రామ్ చరణ్.. కహా వో తుమ్.. రామ్ రామ్ అని అరిచారు సల్మాన్.. అమీర్. చరణ్ వేదికపైకి వెళ్లాడు. నాటు-నాటు పాట మళ్లీ హోరెత్తింది. ఖాన్ త్రయం.. రామ్ చరణ్ తో కలిసి ఐకనిక్ స్టెప్ వేశారు. సందడి రెట్టింపయింది. నలుగురి ఆట.. పక్కన ముఖేశ్ అంబానీ ఫొటోలు వైరల్ అయి ఐకనిక్ సెలబ్రేషన్ అయిపోయింది. దేశమంతా పులకించింది. మరిదంతా చూసే నక్క బ్యాచ్ కన్ను కుట్టదా..! కుట్టింది. ఓ తోక దొరికింది. ఇక మొదలెట్టేశారు. రామ్ చరణ్ ని పిలుస్తూనే ‘ఇడ్లీ.. సాంబార్.. రామ్ చరణ్’ అన్నాడు షారుఖ్. అరవడం మొదలెట్టేశారు. మన తెలుగు హీరోని ఇలా అంటారా.. అంటూ..! ఇదంతా అతి బ్యాచ్ ముసలి కన్నీరు.. నొసట వెక్కిరింపులు. నిజానికి తమ కుళ్లు బయటపెట్టే ప్రాసెస్ లో ఇదొక భాగం.
వారి బాండింగ్ అది..
షారుఖ్, సల్మాన్, అమీర్-రామ్ చరణ్ మంచి ఫ్రెండ్స్ తెలిసిందే. అంతటి ఈవెంట్లో రామ్ చరణ్ గురించి నీతా అంబానీ చెప్పడం.. ఖాన్ త్రయం పిలవడం.. చరణ్ రాగానే షారుఖ్ నమస్కారం చేస్తూ ఆహ్వానించడం.. ఖాన్స్ ఆలింగనం.. డ్యాన్స్.. ముఖేశ్ అంబానీ ఆలింగనం చేసుకోవడం.. తట్టుకోలేకపోయారు. ఉపాసన మేకప్ ఆర్టిస్ట్ జెబాహాసన్ కు ఏమైందో.. తనకే అవమానం జరిగినట్టు దీనిని పోస్ట్ చేయడమేంటో..! రామ్ చరణ్ కు ఇంతటి పారిశ్రామిక దిగ్గజం రికగ్నిషన్ దక్కడం ఎందరో హర్షించేది. మరెందరో జీర్ణించుకోలేనిది. షారుఖ్ తన ‘One 2 ka 4’సినిమాలో.. ఇడ్లీ, వడ, సాంబార్, రజినీకాంత్ డైలాగ్ అంటాడు. అదే స్టయిల్లో పిలిచాడు. దీనిని పట్టించుకోవాల్సిన పనే లేదు. గ్లోబల్ స్టార్ ఇమేజ్ తెచ్చుకున్న రామ్ చరణ్ చుట్టూ ఈర్ష్యా, ధ్వేషాలు ఉంటాయి. తండ్రి చిరంజీవి లెగసీని క్యారీ చేస్తున్నట్టే నెగటివిటీని కూడా దాటుకుంటూ రామ్ చరణ్ తన దారిలో వెళ్తూంటాడు. ఎందుకంటే.. అతడు చిరంజీవి కొడుకు టు గ్లోబల్ స్టార్ వయా మెగా పవర్ స్టార్.. రామ్ చరణ్.