ఆంధ్రప్రదేశ్లో వైఎస్సార్ కాంగ్రెస్ పార్టీ అధికార పీఠమెక్కినప్పటినుంచీ సంచలన నిర్ణయాలతో ఎప్పటికప్పుడు అందర్నీ ఆశ్చర్యపరుస్తూనే వుంది. ఈ క్రమంలోనే మంత్రి అవంతి శ్రీనివాస్, పర్యాటక శాఖకు సంబంధించి బ్రాండ్ అంబాసిడర్ని నియమించబోతున్నట్లు ప్రకటించడం మరో సంచలనంగా మారింది. చంద్రబాబు హయాంలో బ్రాండ్ అంబాసిడర్ల నియామకం కొన్ని విభాగాలకు సంబంధించి జరిగినా, వాళ్ళెవరూ అంతగా రాష్ట్రానికి ఉపయోగపడలేదు. అజయ్ దేవగన్ని అనుకున్నారు కుదరలేదు. సినీ నటి పూనమ్ కౌర్ని చేనేతకు బ్రాండ్ అంబాసిడర్గా నియమిస్తే, దాని వల్ల పార్టీకిగానీ, ప్రభుత్వానికిగానీ ప్రయోజనం కలగని పరిస్థితి.
అయితే, తమ హయాంలో వ్యవహారం డిఫరెంట్గా వుంటుందని వైఎస్సార్సీపీ అంటోంది. ఓ ప్రముఖ నటుడితో ఇప్పటికే సంప్రదింపులు జరిపిన ప్రభుత్వ పెద్దలు, త్వరలోనే ఆ హీరోని ఆంధ్రప్రదేశ్కి బ్రాండ్ అంబాసిడర్గా నియమించబోతున్నట్లు సమాచారమ్. వైఎస్సార్ కాంగ్రెస్ పార్టీతో పోల్చితే ఒకప్పుడు తెలుగుదేశం పార్టీకి సినీ గ్లామర్ ఎక్కువ. కానీ, ఇప్పుడు కాదు. తెలుగుదేశం పార్టీ, పూర్తిగా సినీ గ్లామర్ని దూరం చేసుకుంది. కానీ, వైఎస్సార్ కాంగ్రెస్ పార్టీ – సినీ పరిశ్రమ పెద్దల మనసుల్ని గెల్చుకుంది. అయినప్పటికీ, ఇంకా ఎందుకో వైఎస్సార్సీపీ పట్ల సినీ ప్రముఖులు ఇంకా ఆచి తూచి వ్యవహరిస్తున్నారు. ఆ లోటుని పూడ్చుకోవడానికి అత్యంత వ్యూహాత్మకంగా బ్రాండ్ అంబాసిడర్ల ఎంపిక జరుగుతోందని సమాచారమ్.
రాజకీయాలకు తావు లేదంటూనే, రాజకీయ కోణంలోనే ఈ ఎంపికలు జరగబోతున్నాయట. ఓ అగ్ర హీరోతోపాటుగా, ఓ స్టార్ హీరోయిన్తోనూ సంప్రదింపులు ఓ కొలిక్కి వచ్చాయని తెలుస్తోంది. ఇందుకోసం భారీ మొత్తాన్ని వెచ్చించబోతున్నారు. తెలంగాణలో ఒకప్పుడు సానియా మీర్జా బ్రాండ్ అంబాసిడర్గా పనిచేసింది. చేనేతకు బ్రాండ్ అంబాసిడర్గా సమంత తన వంతు పాత్ర పోషించిన సంగతి తెల్సిందే. సానియా మీర్జాకి బ్రాండ్ అంబాసిడర్గా భారీ చెల్లింపులు చేసిన తెలంగాణ ప్రభుత్వం, సమంత విషయంలో రెమ్యునరేషన్ పెద్దగా ఏమీ ఇవ్వలేదట. పూర్తిగా సమంత సామాజిక బాధ్యతతోనే చేనేతకు ప్రచారకర్తగా వున్నారు.
ఇదిలా వుంటే, జగన్ ప్రభుత్వం నియమించనున్న సదరు బ్రాండ్ అంబాసిడర్ వైఎస్సార్ కాంగ్రెస్ పార్టీకి అత్యంత సన్నిహితుడు. ఆయన అభిమానులు, ఇటీవలి ఎన్నికల్లో వైఎస్సార్ కాంగ్రెస్ పార్టీకి పూర్తిగా మద్దతిచ్చారు. అయితే, ఆ అగ్ర హీరో మాత్రం, అధికారికంగా ఏ రాజకీయ పార్టీకీ మద్దతు ప్రకటించకపోవడం గమనార్హం. ఇంతకీ ఎవరా అగ్రహీరో? ఏమా కథ? వేచి చూడాల్సిందే.
58473 115620Safest the world toasts are made to captivate and also faithfulness to your wedding couple. Beginner sound system watching high decibel locations would be wise to always remember some sort of vital secret produced by presentation, which is your auto. best man speeches funny 668123