నటీనటులు : తాప్సి, వినోదిని, అనీష్ కురివిల్లా, సంచితా, రమ్య, పార్వతి తదితరులు ..
దర్శకత్వం : అశ్విన్ శరవణన్
నిర్మాత : ఎస్ శశికాంత్
సంగీతం : రోన్ ఏతాన్ యోహాన్
ఎడిటింగ్ : రిచర్డ్ కెవిన్
కేమెరా : ఏ వసంత్
దక్షిణాదిలో హీరోయిన్ గా పరిచయం అయిన తాప్సి ఇక్కడ సరైన సక్సెస్ అందకపోవడంతో బాలీవుడ్ కు షిఫ్ట్ అయింది. అక్కడ భిన్నమైన సినిమాల్లో నటిస్తూ నటిగా మంచి ఇమేజ్ అందుకున్న తాప్సి .. బాలీవుడ్ లో సినిమాలు చేస్తూనే సౌత్ లోకూడా ఆపకుండా సినిమాలు చేస్తుంది. బాలీవుడ్ లో ఎన్ని సినిమాలు చేసిన తెలుగును మాత్రం మరచిపోనని చెప్పిన తాప్సి తాజాగా గేమ్ ఓవర్ అంటూ ఓ సరికొత్త ప్రయత్నం చేసింది. ఇప్పటివరకు రానటువంటి కథనంతో తెరకెక్కిన ఈ చిత్రానికి తమిళ దర్శకుడు అశ్విన్ శరవణన్ దర్శకత్వం వహించారు. మరి ఈ గేమ్ ఓవర్ గురించి తెలియాలంటే కథలోకి వెళ్లాల్సిందే.
కథ :
స్వప్న ( తాప్సి ) ఓ వీడియొ గేమ్ డిజైనర్. ఆమెకు గేమ్స్ ఆడడమంటే చాలా ఆసక్తి. అనుకోకుండా స్వప్న జీవితంలో ఓ సంఘటన జరుగుతుంది. అప్పటినుండి స్వప్న కు చీకటంటే భయం పుట్టుకొస్తుంది. తల్లి దండ్రులకు దూరంగా ఓ పనిమనిషి ని పెట్టుకుని నగరంలోని ఓ ఇంట్లో ఉంటుంది. అయితే స్వప్న తన చేతికి వేసుకున్న ఓ పచ్చబొట్టు వేయించుకుంటుంది. ఆ పచ్చబొట్టు రంగులో అమృత ( సంచిత ) అస్తికలు కలవడంతో కథ కొత్త మలుపు తిరుగుతుంది. అసలు ఆ పచ్చబొట్టు వేయించుకున్నాక స్వప్న లైఫ్ పై ఎలాంటి ప్రభావం చూపించింది. ఇంతకీ చనిపోయిన అమృతకు స్వప్నకు సంబంధం ఏమిటి ? లాంటి విషయాలే మిగతా కథ ..
నటినటుల ప్రతిభ :
ఈ సినిమాకు మెయిన్ హైలెట్ గా చెప్పాలంటే .. తాప్సి తన భుజాలపై ఈ కథను నడిపించింది. కథ మొత్తం ఆమె చుట్టే తిరుగుతుంది కాబట్టి తాప్సి నటన హైలెట్ గా సాగింది. నిజంగా ఈ సినిమాతో తాప్సి నటనలో మరో మెట్టు ఎక్కిందని చెప్పొచ్చు. పరిణితి నిండిన పాత్రలో తాప్సి హావభావాలు హైలెట్ గా నిలుస్తాయి. ఇక పనిమనిషి పాత్రలో వినోదిని చక్కగా చేసింది. ఇక అమృత అనే అమ్మాయి పాత్రలో సంచిత ఆకట్టుకుంది. మిగతా పాత్రలు ఉన్నంతలో ఆకట్టుకునే ప్రయత్నం చేసాయి. ఇలాంటి థ్రిల్లర్ సినిమాలకు కథనం చాలా ముఖ్యం కాబట్టి దర్శకుడు కథనాన్ని చేలా బిగువుగా నడిపించాడు. ఐతే కొన్ని సన్నివేశాల్లో సాగతీత ఎక్కువగా కనిపించింది.
టెక్నీకల్ హైలెట్స్ :
సాంకేతికంగా సినిమా బాగుంటుంది. అద్భుతమైన కథ , కథనం మెప్పిస్తుంది. రోన్ అందించిన సంగీతం .. రీ రికార్డింగ్ బాగుంది. ఇక ఎడిటింగ్ విషయంలో ఇంకాస్త కేర్ తీసుకోవాల్సింది. కెమెరా పనితనం బాగుంది. నిర్మాణ విలువలు బాగున్నాయి. ఇక దర్శకుడు అశ్విన్ గురించి చెప్పాలంటే .. ఇదివరకే మాయ సినిమాతో మంచి క్రేజ్ తెచ్చుకున్న ఈ దర్శకుడు మరోసారి తన సత్తా చాటాడు. కథ నిడివి వంద నిమిషాలే అయినప్పటికీ కథనం ఆకట్టుకునేలా సాగింది. ఆత్మ కథతో పాటు సీరియల్ కిల్లర్స్ నేపధ్యాన్ని దానికి మానసిక పరమైన సంఘటనలను చక్కగా అల్లుకున్నాడు దర్శకుడు. ఇలాంటి థ్రిల్లర్స్ విషయంలో నెక్స్ట్ ఏమి జరుగుతుంది అన్న విషయం ప్రేక్షకుడికి ఎప్పుడు ఆసక్తి ఉంటుంది. అది ఊహకందని విధంగా మలిచి సూపర్ అనిపించుకున్నాడు. అనూహ్య మలుపులు, ఊహించని సంఘటనలు ఆసక్తిని క్రియేట్ చేస్తాయి. వీడియొ గేమ్ నేపథ్యంలో సాగిన కథను కూడా అచ్చంగా అలాగే ప్లాన్ చేసి సక్సెస్ అయ్యాడు దర్శకుడు.
విశ్లేషణ :
విభిన్నమైన కథ, కథనాలతో తెరకెక్కిన గేమ్ ఓవర్ .. వీడియొ గేమ్ తరహాలోనే సాగింది. థ్రిల్లర్ కథల విషయంలో ఎలాంటి బిగువు ఉండాలో అన్ని పక్కాగా ప్లాన్ చేసుకున్నాడు దర్శకుడు. అయితే కొన్ని సన్నివేశాలు ఆసక్తి కలిగించవు. అమృత ను చంపిన కిల్లర్ స్వప్న దగ్గరికి ఎలా వచ్చాడు? స్వప్నకు ఇవన్నీ ముందుగానే ఎలా కలల్లోకి వస్తాయి అన్న విషయాలు సహజత్వానికి దూరంగా అనిపిస్తాయి. అసలు సైకో కిల్లర్ ఎవరు ? ఎందుకు ఈ హత్యలు చేస్తున్నాడు ? అన్న విషయాన్నీ చెప్పకపోవడం పెద్ద లోటు? ఇక మిగతా విషయాలు పరిశీలిస్తే .. తాప్సి నటన, దర్శకుడు మేకింగ్ , టెక్నీకల్ హైలెట్స్ అంశాలుగా ఉన్నాయి. మొత్తానికి ఓ కొత్త తరహాకథను థ్రిల్లర్స్ అంటే ఇష్టపడేవాళ్ళకు బాగా నచ్చే సినిమా ఇది.
ట్యాగ్ లైన్ : ఆట పూర్తికాలేదు
456330 247651Thank you for having the time to discuss this subject. I truly appreciate it. Ill stick a link of this entry in my internet site. 118596
603202 401458I discovered your blog internet site internet site on the search engines and check several of your early posts. Always sustain up the extremely good operate. I recently additional increase Rss to my MSN News Reader. Seeking for toward reading much a lot more on your part later on! 355174
833142 998016Paris Hilton: So lovely spending time with Manny and h 176362