సొంత పార్టీ వైసీపీకే ఎదురు నిలిచేందుకు సిద్దమైన ఆనం.!

ఓ వైపు హై కోర్టు మొట్టికాయలతో సతమతమవుతున్న వైస్ జగన్ ప్రభుత్వానికి సొంత పార్టీ నేతలే వ్యతిరేకత చూపుతూ తలనొప్పిగా మారారు. అందులో ముఖ్యంగా వెంకటగిరి ఎంఎల్ఎ అనం రామనారాయణ రెడ్డి అవసరమైతే సొంత ప్రభుత్వానికే ఎదురునిలిచి నిలదీయడానికి సిద్ధమని చెప్పిన వ్యాఖ్యలు సెన్సేషన్ అవుతున్నాయి.

నిన్ననే విద్య, వైద్యం, సంక్షేమ పథకాలపై నెల్లూరు జిల్లా అధికారులు నివేదికలు తయారుచేయలేదని గట్టిగానే ఫైర్ అయ్యాడు. ఇది జరిగి 24 గంటలు కూడా పూర్తి కాకముందే వేంకటగిరి పరిధిలో ఉన్న రావూరులో అధికారులతో సమీక్ష జరిపారు. ఆ తర్వాత మీడియాతో మాట్లాడుతూ ‘ అసలు ఏపీలో ఎన్ని నియోజకవర్గాలున్నాయి.. 175 లేక 174.. జిల్లా అధికారులకి సోమశిల నీటి లెక్కలు ఎందుకు తేలడం లేదు? ఆ నీటిని అధికారులు అమ్ముకుంటున్నారా? సోమశిల- స్వర్ణముఖి లింక్ కెనాల్ గురించి సీఎం జగన్ చెప్పినా ఎందుకు అధికారులు స్పందించండం లేదని’ ప్రశ్నించారు

గతంలో జలవనరుల శాఖలో అధికారులే నీళ్లు అమ్ముకుంటున్నారని, సీఎం జగన్ ఎస్‌ఎస్‌ కెనాల్‌ను పరిశీలించాలని ఎన్నిసార్లు చెప్పినా అధికారులు అస్సలు పట్టించుకోవడం లేదన్నారు. 23 జిల్లాలకు మంత్రిగా కూడా పని చేసాను. అలాంటి నాకు ఎమ్మెల్యే పదవి అలంకారం కాదని, కాబట్టి పదవుల కోసం సైలెంట్ గా ఉండనున్నారు.

అలాగే 40 ఏళ్ల రాజకీయ జీవితంలో ఇప్పుడు చూస్తున్న అధికారుల తీరు ఎన్నడూ చూడలేదని అన్నారు. అవసరమైతే ప్రజల సంక్షేమం కోసం తన ప్రభుత్వాన్ని, ఏ స్థాయి అధికారులను అయినా నిలదీయడానికి సిద్ధమని ఆనం రామనారాయణరెడ్డి అన్నారు. దీని పరంగా చూస్తుంటే రోజు రోజుకీ వైఎస్సార్సీపీలో సొంత పార్టీ నేతల వల్లే డామేజ్ ఎక్కువ జరుగుతోంది. ఇలా జరుగుతోంది అంటే జగన్ ప్రభుత్వంలో లోపాలు ఉన్నట్లే అంటారా??