‘నన్ను అరగంట మంత్రి అంటావా.? నీ చరిత్ర తెలుసు.. నీ భార్య సంగతి తెలుసు.. నీ కొడుకు సంగతి తెలుసు.. నీ గురించి తెలుసు.. మీ నాన్న గురించీ, మీ తమ్ముడి గురించి కూడా తెలుసు.. నేను చరిత్ర గురించి మాట్లాడితే, ఉరేసుకు ఛస్తావ్..’ అంటూ మంత్రి అంబటి రాంబాబు తీవ్రస్థాయిలో టీడీపీ అధినేత నారా చంద్రబాబునాయుడి మీద విరుచుకుపడ్డారు.
రాజకీయాల్లో విమర్శలు సర్వసాధారణం. తమలపాకుతో నువ్వొకటిస్తే, తలపు చెక్కతో నేనొకటిస్తా.. అనడంలో వింతేముంది.? కానీ, ఇక్కడ అంబటి రాంబాబు తాను మంత్రినన్న విషయాన్ని మర్చిపోతున్నారు.
చంద్రబాబు జాతకం గురించి అన్నీ తెలిసినప్పుడు మంత్రి అంబటి రాంబాబు, చంద్రబాబుని జైలుకు పంపాలి కదా.? చంద్రబాబు బండారం బయటపెట్టాలి కదా.? పెట్టడంలేదంటే, దానర్థమేంటి.? చంద్రబాబుని కాపాడుతున్నట్లే కదా.?
సరే, టీడీపీ – వైసీపీ మధ్య 60-40 అనుబంధం గురించి వేరే చర్చ. ఆంధ్రప్రదేశ్ రాష్ట్రానికి సంబంధించిన అంశాలపై మంత్రి అంబటి రాంబాబుకి ఎంత చిత్తశుద్ధి వుంది.? తాను మంత్రిగా పనిచేస్తున్న శాఖపై ఆయనకు ఎంతటి అవగాహన వుంది.?
పోలవరం ప్రాజెక్టుకి సంబంధించి డయాఫ్రమ్ వాల్ అంటే ఏంటో తెలియదు.. అసలు ఆ ప్రాజెక్టు ఎప్పుడు పూర్తవుతుందో తెలియదు. అలాంటి అంబటి రాంబాబు మంత్రిగా వుంటే, రాష్ట్రానికి ఎలా మేలు జరుగుతుంది.? నిజానికి, ఆ ఇంగితం ముఖ్యమంత్రి వైఎస్ జగన్ మోహన్ రెడ్డికి వుండాలి.
పోనీ, తెలుసుకుంటారు రాంబాబు అనుకుందాం.. కానీ, ఇప్పటికైనా పోలవరం ప్రాజెక్టు ఎప్పటికి పూర్తవుతుందో అంబటి రాంబాబు తెలుసుకున్నారా.? లేదా.? టీడీపీ హయాంలో పూర్తవ్వాల్సిన ప్రాజెక్టు, వైసీపీ హయాం కూడా అయిపోతున్నాగానీ, పూర్తవలేదంటే దానర్థమేంటో మరి.!
రాజకీయ నాయకుల చరిత్రలు తెలుసుకోవడం, పరిశోధించడం మానేసి.. పోలవరం ప్రాజెక్టు చరిత్ర గురించి తెలుసుకుని, ప్రాజెక్టుని ముందుకు నడిపించే బాధ్యతను అంబటి చిత్తశుద్ధితో నెరవేర్చితే రాష్ట్రానికేమైనా ప్రయోజనముంటుంది. లేదంటే, గంట.. అరగంట మంత్రిగానే అంబటి చరిత్రలో నిలిచిపోతారు.
721541 308487great day, your website is truly unquie. Anways, i do appreciate your function 971699
870123 920329i would have to make a lot more christmas cards becuase next month is december already- 831328