బ్రేకింగ్: ‘మా’ ప్రాధమిక సభ్యత్వానికి నాగబాబు రాజీనామా

మా ఎన్నికల్లో ప్రకాశ్ రాజ్ ను ప్రాంతీయవాదంతో వేరు చేయడం నచ్చని నాగబాబు మొదటి నుంచీ ఇందుకు వ్యతిరేకంగానే ఉన్నారు. దీంతో ఏకంగా కోట శ్రీనివాసరావుపై తీవ్ర వ్యాఖ్యలు కూడా చేశారు. అయితే.. ఎన్నికల్లో ప్రకాశ్ రాజ్ ఓడిపోవడంతో నాగబాబు తీవ్రంగా స్పందించారు. ఏకంగా తాను ‘మా’ సభ్యత్వానికి రాజీనామా చేస్తున్నట్టు ప్రకటించారు. సోషల్ మీడియా వేదికగా తన అసంతృప్తిని, నిర్ణయాన్ని తెలియజేశారు.

‘ప్రాంతీయవాదం మరియు సంకుచిత మనస్తత్వంతో కొట్టు-మిట్టాడుతున్న మూవీ ఆర్టిస్ట్స్ అసోసియేషన్ లో కొనసాగడం నాకు ఇష్టం లేక “మా” అసోసియేషన్లో “నా” ప్రాధమిక సభ్యత్వానికి రాజీనామా చేస్తున్నాను.. సెలవు. మై రిసిగ్నేషన్ టు మా అసోసియేషన్ కు 48 గంటల్లో నా సిబ్బంది ద్వారా పంపిస్తాను. ఇది నేను ఎంతగానో ఆలోచించి.. ప్రలోభాలకు అతీతంగా నా పూర్తి చిత్తశుద్ధితో తీసుకున్న నిర్ణయం’ అని తెలిపారు. ప్రస్తుతం ఈ అంశం సంచలనం రేపుతోంది. తీవ్ర ఉత్కంఠ రేపిన ‘మా’ ఎన్నికల్లో మంచు విష్ణు గెలిచారు.

ప్రాంతీయ వాదం మరియు సంకుచిత మనస్తత్వం తో
కొట్టు-మిట్టులాడుతున్న మూవీ ఆర్టిస్ట్స్ అసోసియేషన్ లో
కొనసాగడం నాకు ఇష్టం లేక "మా" అసోసియేషన్లో "నా"
ప్రాధమిక సభ్యత్వానికి రాజీనామా చేస్తున్నాను…
సెలవు.
– నాగబాబు, pic.twitter.com/wLqwOKsNtq

— Naga Babu Konidela (@NagaBabuOffl) October 10, 2021