సైన్యముంది, తెగువ కలిగిన సేనాని వున్నాడు. కానీ, ఇటీవలి ఎన్నికల్లో జనసేన పార్టీ ఘోర పరాభవాన్ని ఎదుర్కొంది. కారణమేంటి? గెలుపోటముల గురించి కాదు ఆవేదన, సర్వేల్లో పేర్కొన్నట్టుగా కూడా ఓటు బ్యాంకు సంపాదించుకోలేకపోవడమే జనసేనను మరింత తీవ్రంగా కలచివేస్తోంది. ‘గెలుపోటముల గురించి జనసేనాని ఎప్పుడూ ఆందోళన చెందలేదు. కానీ, తక్కువలో తక్కువ 18 నుంచి 20 శాతం ఓటు బ్యాంకు సాధిస్తామనుకున్నాం. అదే జరగలేదు. ఎందుకిలా? అన్నదానిపైనే జనసేనాని దృష్టిపెట్టారు’ అని జనసేన పార్టీకి చెందిన ముఖ్య నేత ఒకరు వెల్లడించారు.
నేటి నుంచి జిల్లాల వారీగా జనసేన అధినేత పవన్‌కళ్యాణ్‌ సమీక్షలు నిర్వహించనున్నారు అమరావతిలోని పార్టీ ప్రధాన కార్యాలయంలో. ఈ మేరకు పార్టీ శ్రేణులు ఏర్పాట్లను ముందే పూర్తి చేసేశాయి. ‘ఈ సమీక్షల్లో నేతల మధ్య వివాదాలకు ఆస్కారం లేదు. ఒకరి మీద ఒకరు ఆరోపణలు చేసుకోవడానికి అవకాశమే లేదు. సూటిగా, సుత్తి లేకుండా సమీక్షలు జరుగుతాయి’ అని జనసేన వర్గాలు స్పష్టం చేశాయి.
నిర్మొహమాటంగా తమ అభిప్రాయాలు చెప్పేందుకు వీలుగా ఇప్పటికే జనసేన అధినేత పవన్‌కళ్యాణ్‌ పార్టీ శ్రేణులకు సంకేతాలు పంపారు. కింది స్థాయి నుంచీ పార్టీ పరిస్థితిపై నివేదికల్ని పవన్ కళ్యాణ్‌ ఇప్పటికే తెప్పించుకున్నారు. వాటిపై ఆయన తనకు అత్యంత సన్నిహితులైనవారితో చర్చించారు కూడా.
‘పోలింగ్‌ జరిగిన తర్వాతి క్షణం నుంచే సమీక్షలు మొదలయ్యాయి. భవిష్యత్‌ కార్యాచరణపై అప్పటినుంచే దృష్టి పెట్టాం. పవన్ కళ్యాణ్‌ ఓడిపోవడం కొంత బాధ కలిగించినా, రాజకీయాల్లో గెలుపోటములు సహజమే. జరిగిపోయిన ఓటమి గురించి బెంగ లేదు. భవిష్యత్తులో జనసేనను మరింతగా ప్రజల్లోకి తీసుకెళ్ళడమే మా ముందున్న లక్ష్యం’ అని జనసేన ముఖ్య నేత ఒకరు తాజా సమీక్షల గురించి చెబుతూ మనసులో మాటని బయటపెట్టారు.
రాష్ట్రమంతా పవన్‌కళ్యాణ్‌ పాదయాత్రలు చేయాలనే ప్రతిపాదన వున్నప్పటికీ, దానికింకా సమయముందని పలువురు ముఖ్య నేతలు తమ అధినేతకు సూచించారట. అంశాల వారీగా మాత్రమే ప్రభుత్వ విధానాలపై పోరాడాలనీ, ప్రజలకు మేలు చేసే విషయాల్లో ప్రభుత్వాన్ని విమర్శించాల్సిన పనిలేదని పవన్ కళ్యాణ్‌, ఇప్పటికే పార్టీ శ్రేణులకు సంకేతాలు పంపారు.
ప్రతిపక్షంగా మారిన తెలుగుదేశం పార్టీతో ఎలా వ్యవహరించాలి.? మిత్రపక్షాలైన వామపక్షాలతో ఎలా ముందుకు వెళ్ళాలి.? బీజేపీ నుంచి రాజకీయ ప్రతిపాదనలు వస్తే వాటిపై ఎలాంటి నిర్ణయం తీసుకోవాలి.? వంటి అంశాలూ తాజా సమీక్షల్లో ప్రస్తావనకు రానున్నట్లు తెలుస్తోంది.
906796 748632Immigration Lawyers […]the time to read or go to the content or websites we have linked to below the[…] 866773
469322 979660building websites is not only enjoyable, but it can also create an income for yourself;; 402857
765307 127387Private Krankenversicherung – Nur dann, wenn Sie sich fr die Absicherung ber die Rentenversicherung entschieden haben, dann knnen Sie sich sicher sein, dass Sie im Alter so viel Geld haben, damit Sie Ihren Lebensstandard halten knnen. 110629