రాజకీయాల్లో ఆరోపణలు, ప్రత్యారోపణలు ఎంత హాస్యాస్పదంగా వుంటాయో చెప్పడానికి లక్షలాది, కోట్లాది ఉదాహరణలు కన్పిస్తాయి. అయినా, జనం ఎందుకు తీవ్రమైన ఆరోపణలు, అభియోగాలు ఎదుర్కొంటున్నవారిని రాజకీయాల్లో అందలమెక్కిస్తుంటారు.? ఇది మాత్రం మిలియన్ డాలర్ల ప్రశ్నే. అసలంటూ ప్రజల్లో మార్పు వస్తే, రాజకీయాల్లోకి నేరచరితులు ఎందుకొస్తారు.? ఛాన్సే లేదు. అంటే, అసలు లోపం ప్రజల్లో వుందన్నమాట. అసలు విషయంలోకి వద్దాం.
వైఎస్సార్ కాంగ్రెస్ పార్ట అధినేత వైఎస్ జగన్ మోహన్ రెడ్డిపై అక్రమాస్తుల కేసు ఏళ్ళ తరబడి నడుస్తోంది. ఆయన నిందితుడా.? నేరస్తుడా.? అన్న విషయమై భిన్న వాదనలు వినిపిస్తూనే వున్నాయి.. వినిపిస్తూనే వుంటాయి. ప్రజా కోర్టులో గెలిచాం.. అని వైసీపీ చెప్పుకుంటోంది. కానీ, కోర్టులు ఇంకా వైఎస్ జగన్ మోహన్ రెడ్డికిగానీ, ఇదే కేసులో విజయసాయిరెడ్డికిగానీ, మిగతావారికిగానీ క్లీన్ చిట్ ఇవ్వలేదు. ఇది అందరికీ తెలిసిన విషయమే.
విజయసాయిరెడ్డి ఇటీవల విదేశాలకు వెళ్ళేందుకోసం కోర్టు నుంచి అనుమతి కోరాల్సి వచ్చిందంటే.. పరిస్థితి ఏంటో అర్థం చేసుకోవచ్చు. ఈ విజయసాయిరెడ్డే ఇప్పుడు వైసీపీ రెబల్ ఎంపీ రఘురామకృష్ణరాజు మీద ఆరోపణలు చేస్తున్నారు. విదేశాలకు పారిపోకుండా పాస్పోర్టు రద్దు చేయాలని డిమాండ్ చేస్తున్నారు విజయసాయిరెడ్డి. నవ్విపోదురుగాక మనకేటి.? అన్నట్టుంది వ్యవహారం.
రఘురామకృష్ణరాజు ఎంపీ అయ్యిందే వైఎస్సార్ కాంగ్రెస్ పార్టీ నుంచి. అప్పటికే ఆయన మీద పలు కేసులున్నాయి. అప్పుడేమో రఘురామకృష్ణ, వైసీపీ అధిష్టానానికి ‘సుద్ద పూస’లా కనిపించారు. ఇప్పుడేమో, బ్యాంకుల్ని ముంచేసి విదేశాలకు పారిపోవాలని చూస్తోన్న దొంగలా కనిపిస్తున్నారు. అంటే, ప్రజలు వెర్రి వెంగళప్పలనే కదా.. రాజకీయ నాయకుల అర్థం.?
తాము ఏం చెబిదే అదే జనం గుడ్డిగా నమ్ముతారన్న గట్టి నమ్మకం రాజకీయ పార్టీలది. నిజమే, రఘురామ మీద ఆరోపణలున్నాయి. మరి, ఆయనకెందుకు టిక్కెట్ ఇచ్చినట్లు.? నిజమే, విజయసాయిరెడ్డి.. వైఎస్ జగన్ మోహన్ రెడ్డి మీద కేసులున్నాయి.. మరెందుకు వైసీపీలో రఘురామ చేరినట్లు.? అందరూ కలిసి డ్రామాలాడుతూ ప్రజల్నే వెర్రి వెంగళప్పల్ని చేసేస్తున్నారు మరి.
513005 849907Hiya! Great blog! I happen to be a day-to-day visitor to your site (somewhat much more like addict ) of this web site. Just wanted to say I appreciate your blogs and am looking forward for far more! 693954
257224 881452I like this weblog it is a master piece! Glad I discovered this on google. 823334
565507 276707I located your weblog internet website on google and check several of your early posts. Continue to sustain up the superb operate. I just further up your RSS feed to my MSN News Reader. Searching for forward to studying extra from you in a although! 177925