అక్రమ కట్టడాల పేరుతో కూల్చేడే తప్ప.. కట్టుడు ఆలోచన అధికార వైసీపీకి లేదా.? జగన్ హయాంలో కూలినవెన్ని.? కడుతున్నవెన్ని.? ఓ యువతి, ప్రభుత్వ దాష్టీకాన్ని నిరసిస్తూ, విపక్ష నేతల వద్ద తన ఆవేదనను వెల్గగక్కుకుంటే, ఆమెపై దాడి చేయడమే బులుగు రాజ్యాంగమా.? ఇదెక్కడి పైత్యం.? మీకు పట్టా ఇచ్చేశాం.. ఇల్లు కూడా మంజూరు చేసేశాం.. వెంటనే ఇల్లు ఖాళీ చేసెయ్యాల్సిందేనంటూ అధికారులు హుకూం జారీ చేయడం, ఆ వెంటనే గూడు కూలగొట్టేయడం.. అసలేం జరుగుతోంది రాష్ట్రంలో.?
శివశ్రీ అనే మహిళ, వాలంటీర్గా కూడా పనిచేసింది. తమ ప్రభుత్వ హయాంలో వాలంటీర్గా పనిచేసిందన్న కనీసపాటి గౌరవం కూడా లేకుండా వైఎస్ జగన్ ప్రభుత్వం, ఆమె ఇంటిని ఆగమేఘాల మీద కూల్చేయడమేంటో.. ఆమె జనసేన అధినేత పవన్ కళ్యాణ్ని కలిసి గోడు వెల్లగక్కుకున్నాకే, ఆమెపై అధికార పార్టీ కక్ష కట్టడమేంటో.. అసలు ఆంధ్రప్రదేశ్లో ఏ రాజ్యాంగం అమలవుతుందోనన్న విమర్శ సర్వత్రా వినిపిస్తోంది.
మహిళోద్ధారకులం మేమే.. అని అధికార పార్టీ చెప్పుకుంటోంది. కానీ, ముఖ్యమంత్రి నివాసానికి కూతవేటు దూరంలోనే.. మహిళలపై అఘాయిత్యాలు జరుగుతుంటాయి. ఓ మహిళ ప్రభుత్వాన్ని ప్రశ్నించినందుకు.. ఆమెకు విపక్షాలు అండగా నిలిచినందుకు.. ఆ మహిళ నివసిస్తున్న ఇంటిని రాత్రికి రాత్రి జేసీబీలతో అధికారులు పడగొట్టేస్తారు. ఇదీ రాష్ట్రంలో జరుగుతున్న అత్యద్భుతమైన పాలన.
అధికార పార్టీ దాష్టీకం ఇలా వుంటే, జనసేన పార్టీ.. ఆ బాధిత మహిళకు అండగా నిలిచింది. బాధిత కుటుంబం సరైన నివాసం వెతుక్కునేవరకూ తాను ఆశ్రయం కల్పిస్తానంటూ జనసేన పార్టీకి చెందిన నేతలు ముందుకొచ్చారు. అసలు ఈ దాష్టీకం ఎందుకు జరిగింది.? అంటే, ముఖ్యమంత్రి వైఎస్ జగన్ మోహన్ రెడ్డి నివాసం వెనుక కాలువ కట్టపై వుంటోన్న పేదల ఇళ్ళ కారణంగా భద్రతా సమస్యలు.. ముఖ్యమంత్రిగారికి ఎదురవ్వొచ్చనే భయం ప్రభుత్వ పెద్దల్లో వుండడమేనట. అంటే, పేదలిక్కడ మనుషులే కారన్నట్టు ప్రభుత్వ పెద్దలు వ్యవహరిస్తున్నారనుకోవాలి.
మొత్తం 317 కుటుంబాలు నివసిస్తున్న అమరారెడ్డి నగర్ కాలనీని అధికారులు ఖాళీ చేయించేశారు. ఒక్కరి కోసం.. 317 కుటుంబాల్ని ఖాళీ చేయించడమంటే.. చాలా చాలా గొప్ప విషయమే మరి.
473810 56711Yeah bookmaking this wasnt a high risk determination outstanding post! . 581148
614284 585968Can I just now say that of a relief to locate somebody who truly knows what theyre speaking about online. You truly know how to bring a difficulty to light and function out it crucial. The diet require to see this and appreciate this side on the story. I cant believe youre no more popular since you definitely possess the gift. 320464
563949 617281You got a quite very good website, Gladiolus I discovered it via yahoo. 43748