రాశి ఫలాలు: శుక్రవారం 22 జనవరి 2021

పంచాంగం

శ్రీ శార్వరి నామ సంవత్సరం ఉత్తరాయణం హేమంత ఋతువు పుష్య మాసం శుక్లపక్షం

సూర్యోదయం: ఉ.6:38
సూర్యాస్తమయం: సా.5:46
తిథి: నవమి సా.5:40 వరకు తదుపరి దశమి
సంస్కృతవారం: భృగు వాసరః
నక్షత్రము: భరణి సా.6:40 వరకు తదుపరి కృత్తిక
యోగం: శుభ రా.9:20 వరకు
కరణం: కౌలవ సా.5:40 వరకు తదుపరి తైతుల ఉ.7:45వరకు
వర్జ్యం: ఉ.8:51 నుండి ఉ.9:53 వరకు
దుర్ముహూర్తం: ఉ.8:51నుండి ఉ.9:35 వరకు తదుపరి మ.12:32 నుండి మ.1:16 వరకు
రాహుకాలం: ఉ 10:30 నుండి మ:12:00 వరకు
యమగండం: మ.3:00 నుండి సా.4:30 వరకు
గుళిక కాలం: ఉ.8:17 నుండి ఉ.9:40 వరకు
బ్రాహ్మీ ముహూర్తం: తె.5:17 నుండి ఉ.6:05 వరకు
అమృత ఘడియలు: మ.1:37 నుండి మ.3:26 వరకు
అభిజిత్ ముహూర్తం: మ.12:05నుండి మ.12:50 వరకు.

ఈరోజు. (22-01-2021) రాశి ఫలితాలు

మేషం: చేపట్టిన వ్యవహారాలలో ఆటంకాలు ఎదురైనా అధిగమించి ముందుకు సాగుతారు. ఆర్ధికంగా అభివృద్ధి కలుగుతుంది. ప్రయాణాలు కలసి వస్తాయి. వృత్తి, వ్యాపారాలు అనుకూలంగా సాగుతాయి. నూతన విద్యవకాశాలు లభిస్తాయి. గృహ నిర్మాణ ఆటంకాలు తొలగుతాయి.

వృషభం: ఆప్తులతో వివాదాలకు దూరంగా ఉండటం మంచిది. మిత్రులతో జాగ్రత్తగా వ్యవహరించాలి. వృత్తి వ్యాపారాలు సామాన్యంగా సాగుతాయి. గృహోపకరణాలు కొనుగోలు చేస్తారు. చేపట్టిన పనులలో ఆటంకాలు కలిగినా నిదానంగా పూర్తి చేస్తారు ఉద్యోగమున కొంత నిరుత్సాహం తప్పదు.

మిథునం: దీర్ఘకాలిక రుణాలు కొంతవరకు తీర్చగలరు. ఆరోగ్య పరమైన సమస్యలు చికాకు కలిగిస్తాయి. చేపట్టిన వ్యవహారాలు శ్రమాధిక్యతతో పూర్తిచేస్తారు. కుటుంబ సభ్యుల సహాయం లభిస్తుంది. ఉద్యోగపరంగా వేధిస్తున్న సమస్యలకు పరిష్కారం లభిస్తుంది. స్వల్ప ధన ప్రాప్తి కలుగుతుంది.

కర్కాటకం: కుటుంబ సభ్యులతో విందువినోదాలు కార్యక్రమాల్లో పాల్గొంటారు. ప్రయాణాలలో నూతన వ్యక్తులతో పరిచయాలు లాభిస్తాయి. ఆలోచనలు కార్యరూపం దాలుస్తాయి. బంధువుల నుండి శుభవార్తలు అందుతాయి. విలువైన వస్తు వాహనాలు కొనుగోలు చేస్తారు. నూతన ఉద్యోగ లబ్ది.

సింహం: గృహ నిర్మాణ ప్రయత్నాలు వేగవంతం చేస్తారు. దూరప్రాంతాల వారి నుండి విలువైన సమాచారాన్ని సేకరిస్తారు. వ్యాపారాలలో నూతన పెట్టుబడులు పెట్టి లాభాలు పొందుతారు ఉద్యోగ వ్యవహారాలలో తలపెట్టిన పనులు సకాలంలో పూర్తి చేసి పై వారినుండి ప్రశంసలు పొందుతారు.

కన్య: ముఖ్యమైన వ్యవహారాలలో మీరు తీసుకున్న నిర్ణయాల వలన లాభం పొందుతారు. ఆకస్మిక ప్రయాణాలు ఉంటాయి. బంధువుల నుండి శుభకార్య ఆహ్వానాలు అందుతాయి. సంతాన ఉద్యోగ ప్రయత్నాలు కలసి వస్తాయి. ధనదాయం బాగుంటుంది. అనారోగ్య సూచనలున్నవి.

తుల: ఆరోగ్య విషయాలలో జాగ్రత్తగా ఉండాలి. వృత్తి వ్యాపారాల పరంగా నష్టాల ఊబి నుండి బయటపడతారు. గృహమున బంధుమిత్రుల ఆగమనం ఆనందం కలిగిస్తుంది. వృత్తి ఉద్యోగ విషయమై కీలక సమాచారాన్ని సేకరిస్తారు. అనుకున్న సమయానికి పనులు పూర్తి చేయగలుగుతారు.

వృశ్చికం: నూతన ఉద్యోగ లాభం కలుగుతుంది. పనులు సకాలంలో పూర్తి చేస్తారు.గృహంలో శుభకార్యాలు నిర్వహిస్తారు. ఆర్థిక విషయాలు అనుకూలంగా ఉంటాయి. అన్ని రంగాల వారికి అనుకూల వాతావరణం ఉంటుంది. కొత్త వాహనం కొనుగోలు చేస్తారు. వ్యాపారాలు విస్తరిస్తారు.

ధనస్సు: ధన విషయాలలో కుటుంబ సభ్యుల సహాయ సహకారాలు లభిస్తాయి. పనులు నిదానంగా పూర్తి చేస్తారు. చిన్ననాటి మిత్రులతో దూరప్రాంత ప్రయాణాలు చేస్తారు. వ్యాపార పరంగా ఇబ్బందులు తొలగుతాయి. ఇంటా బయట అనుకూల వాతావరణం ఉంటుంది.

మకరం: ముఖ్యమైన వ్యవహారాలలో కుటుంబ సభ్యుల సలహాలు స్వీకరించడం మంచిది. భూ సంబంధిత క్రయ విక్రయాలు లాభసాటిగా సాగుతాయి. ఉద్యోగాలలో సమస్యల నుండి బయట పడగలుగుతారు. ఆకస్మిక ధనప్రాప్తి కలుగుతుంది. రుణ బాధలు తొలగుతాయి.

కుంభం: దూర ప్రాంతాల నుండి ఆహ్వానాలు అందుతాయి. నూతన వాహనం కొనుగోలు చేస్తారు. సోదరుల సహాయ సహకారాలు పొందుతారు. వ్యాపారం వృద్ధి చెందుతుంది. సంతానమునకు నూతన ఉద్యోగ అవకాశాలు లభిస్తాయి. ధన వ్యవహారాలు సజావుగా సాగుతాయి.

మీనం: చేతిలో డబ్బు నిల్వ ఉండదు. వృత్తి వ్యాపారాలు అంతంత మాత్రంగా ఉంటాయి. బంధువుల నుండి విమర్శలు ఎదురవుతాయి. నేత్ర సమస్యలు బాధిస్తాయి. ప్రయాణాలలో మార్గావరోధాలు కలుగుతాయి. ఉద్యోగ విషయమై అనాలోచిత నిర్ణయాలు తీసుకుని ఇబ్బంది పడతారు.