నటరాజన్ పై వార్న్ అనుమానం.. నెటిజన్ల మండిపాటు

భారత క్రికెట్ జట్టు బౌలర్ నటరాజన్ ఫిక్సింగ్ కు పాల్పడ్డాడనే అనుమానం కలుగుతోందంటూ ఆస్ట్రేలియా మాజీ క్రికెటర్ షేన్ వార్న్ చేసిన ఆరోపణలపై నెటిజన్లు తీవ్రంగా మండిపడుతున్నారు. ఎలాంటి ఆధారాలూ లేకుండా అలాంటి ఆరోపణలు చేయడం తగదని దుయ్యబడుతున్నారు. నటరాజన్ వేసిన నో బాల్స్‌పై తనకు అనుమానాలున్నాయని వార్న్ ఆరోపించాడు.

బోర్డర్ గవాస్కర్ ట్రోఫీలో భాగంగా గబ్బాలో జరిగిన నాలుగో టెస్టులో నటరాజన్ టీమిండియా బౌలర్ నటరాజన్‌ ఫిక్సింగ్‌కు పాల్డడ్డాడనే అనుమానం కలుగుతోందంటూ ఆసీస్ మాజీ స్పిన్నర్ షేన్ వార్న్ చేసిన ఆరోపణలు సోషల్ మీడియాలో పెద్ద దుమారాన్నే రేపుతున్నాయి. వార్న్‌పై నెటిజన్లు తీవ్రంగా మండిపడుతున్నారు.

భారత బౌలర్ తంగరసు నటరాజన్ వేసిన నో బాల్స్‌పై తనకు అనుమానాలున్నాయంటూ వార్న్ అన్నాడు. బోర్డర్ గవాస్కర్ ట్రోఫీలో భాగంగా గాబా పిచ్‌లో జరిగిన నాలుగో టెస్టులో నటరాజన్ ఏడు నోబాల్స్ వేశాడని.. ఆ నోబాల్స్ వేసే సమయంలో నటరాజన్ అడుగులు క్రీజు నుంచి చాలా దూరంగా పడ్డాయని, అదే తన అనుమానానికి కారణమని వార్న్ వ్యాఖ్యానించాడు. అతడు వేసిన ప్రతి ఓవర్ తొలి బంతినే నోబాల్‌గా వేయడం మరింత అనుమానం కలిగిస్తోందని పేర్కొన్నాడు. మొత్తం నో బాల్స్‌లో 5 నోబాల్స్‌ ఇలానే వేశాడని.. వాటిని గమనిస్తే నటరాజన్ కావాలనే ఈ రకంగా నో బాల్స్ వేశాడేమో అనిపిస్తోందని వార్న్ అనుమానం వ్యక్తంచేశాడు.

దీంతో పలువురు నెజిటన్లు వార్న్ వ్యాఖ్యలపై మండిపడ్డారు. ‘హేయ్ ముసలోడా.. టీమిండియా ఆటగాళ్లపై వేలెత్తి చూపడం మానుకో. భారత్‌కు తొలి సారిగా ఎంపికైన ఆటగాడిపై ఇలాంటి వ్యాఖ్యలు చేసే ముందు ఒకటికి రెండు ఆలోచించుకో..’ అంటూ ఓ నెటిజన్ ఆగ్రహం వ్యక్తం చేశాడు. ‘నీకు, నీ తోటి ఆటగాళ్లు అనేకమందికి ఆటలోనే కాకుండా, బయట కూడా చెత్త పేరుంది. అలాంటి చెత్త బుద్ధితోనే భారతీయ క్రికెటర్ల గురించి ఆలోచించకు’ అని మరో క్రీడాభిమాని మండిపడ్డాడు. ‘ముందు మీ జట్టు సభ్యులకు సభ్యత నేర్పించు. గ్రౌండ్‌లో ప్రత్యర్థులతో ఎలా గౌరవంగా మెలగాలో నేర్పించుకో. ఆ తరువాత భారత క్రికెటర్ల విషయంలో మాట్లాడు. నటరాజన్ ఆ స్థాయికి రావడానికి ఎంత కష్టపడ్డాడో నీకేం తెలుసు’ అని మరో అభిమాని పేర్కొన్నాడు.