లెబనాన్‌లో భారీ పేలుడు 70 మంది మృతి వేల మందికి గాయాలు

లెబనాన్‌ దేశ రాజధాని బీరట్‌ పేలుడుతో దద్దరిల్లింది. ఓడ రేవు గోడౌన్‌లో గత కొంత కాలంగా నిల్వ ఉన్న అత్యంత ప్రమాదకరమైన అమోనియం నైట్రేట్‌ వల్ల పేలుడు సంభవించినట్లుగా నిర్థారణకు వచ్చారు. 2750 టన్నుల అమోనియం నైట్రేట్‌ నిల్వలను ఎందుకు అక్కడ ఉంచాల్సి వచ్చింది అనేది తేల్చాలంటూ అధ్యక్షుడు పేర్కొన్నాడు. ఇందుకు బాధ్యులు అయిన వారికి కఠిన శిక్షలు తప్పవంటూ ఆయన హెచ్చరించాడు. పేలుడులో గాయపడ్డ వారికి సహాయార్థం ప్రభుత్వం దాదాపుగా రూ. 500 కోట్లు విడుదల చేయడం జరిగింది.

పేలుడుకు సంబంధించిన విజువల్స్‌ ప్రస్తుతం సోషల్‌ మీడియాలో వైరల్‌ అవుతున్నాయి. అప్పటి వరకు ప్రశాంతంగా ఉన్న బీరట్‌ లో కొన్ని సెకన్ల వ్యవధిలో బీభత్సం జరిగి పోయింది. మొదట రేపు నుండి పొగలు వస్తున్న దృశ్యాలు చూడవచ్చు. ఎక్కడో దూరంగా ఉండి ఆ పొగలను మొబైల్‌లో చిత్రీకరిస్తుండగా కొన్ని సెకన్ల వ్యవధిలోనే భారీ పేలుడు సంబవించడం కూడా ఆ వీడియోల్లో చూడవచ్చు. ఈ ప్రమాదంలో 70 మంది మృతి చెందినట్లుగా అధికారికంగా చెబుతున్నారు. అయిదు వేల మంది గాయల పాలయ్యారు. మృతుల సంఖ్య క్షతగాత్రుల సంఖ్య ఇంకా భారీగా ఉండే అవకాశం ఉందంటున్నారు.

పేలుడు శబ్దం 250 కిలోమీటర్ల వరకు వినిపించినట్లుగా అంతర్జాతీయ మీడియాలో కథనాలు వస్తున్నాయి. అంత శబ్దం వచ్చిందంటే ఏ స్థాయిలో విద్వంసం జరిగిందో అర్థం చేసుకోవచ్చు. బీరట్‌ లోని వాహనాలు భవనాలు అన్ని కూడా నాశనం అయ్యాయి. ఈ ఘటనపై ఇండియన్‌ ప్రధాని మోడీతో సహా పలువురు దేశ అధ్యక్షులు స్పందించి సాయంకు ముందుకు వస్తామంటూ హామీ ఇచ్చారు.

Breaking: Huge blast in #Beirut ahead of #Haririverdict

Extensive explosions reported in Lebanon's capital Beirut, prior to the verdict in a trial over the alleged killing of Ex-Prime minister Rafik Hariri back in 2005 pic.twitter.com/MRH1bD1MPz

— TeluguBulletin.com (@TeluguBulletin) August 4, 2020