కరోనా నేపథ్యంలో ఆంధ్రప్రదేశ్లో స్థానిక ఎన్నికల ప్రక్రియ వాయిదా పడింది. కొన్ని ఏకగ్రీవాలు జరిగాయి.. ఇంతలోనే కరోనా వైరస్ ఎఫెక్ట్ ప్రారంభమయ్యింది. పరిస్థితి తీవ్రతను ముందుగా అంచనా వేసిన రాష్ట్ర ఎన్నికల కమిషనర్ నిమ్మగడ్డ రమేష్కుమార్, స్థానిక ఎన్నికల ప్రక్రియను వాయిదా వేశారు. అయితే, ఆ వాయిదా నిర్ణయం.. ప్రభుత్వాన్ని సంప్రదించకుండా తీసుకోవడమేంటి.? అంటూ, ప్రభుత్వ పెద్దలు గుస్సా అయ్యారు. ఈ క్రమంలో నిమ్మగడ్డపై ‘కులం’ పేరుతో దూషణలూ వచ్చాయి అధికార పార్టీ నుంచి.
మరోపక్క, స్థానిక ఎన్నికల్లో హింసపై చాలా ఫిర్యాదులు రావడంతో, ఆ ఫిర్యాదులపై నిమ్మగడ్డ కాస్త కఠిన నిర్ణయాలు తీసుకోవడమూ ప్రభుత్వ పెద్దలకు నచ్చలేదు. ఆ సంగతి పక్కన పెడితే, మళ్ళీ నిమ్మగడ్డ రాష్ట్ర ఎన్నికల కమిషనర్గా బాధ్యతలు తీసుకున్నారు.. హైకోర్టు ఆదేశాల నేపథ్యంలో. మధ్యలో ప్రభుత్వం, రాష్ట్ర ఎన్నికల కమిషనర్ని మార్చినా, ఆ ఆర్డినెన్స్ చెల్లదని హైకోర్టు తేల్చి చెప్పిన విషయం విదితమే.
ఇక, ఇప్పుడు స్థానిక ఎన్నికల ప్రక్రియ ఏమవుతుంది.? ఈ స్థానిక ఎన్నికల కోసం రాష్ట్ర ప్రభుత్వం గతంలో తెచ్చిన ఆర్డినెన్స్ కాలపరిమితి ముగిసింది. దాంతో, మళ్ళీ కొత్తగా ఆర్డినెన్స్ జారీ చేసింది ప్రభుత్వం. అయితే, రెండుసార్లు ఒకే అంశంపై ఆర్డినెన్స్ జారీ చేయడానికి వీల్లేదంటూ ఓ వాదన తెరపైకొచ్చింది. ఇదెంత నిజం.? అన్న విషయాన్ని పక్కన పెడితే, ఎన్నికల ప్రక్రియను రద్దు చేసి, మళ్ళీ మొదటి నుంచి ప్రక్ర్రియ ప్రారంభమయ్యే అవకాశాలు అస్సలేమాత్రం లేవన్నది కొందరు న్యాయ నిపుణుల మాట.
సార్వత్రిక ఎన్నికల్లో అయినా, మరో ఎన్నికల్లో అయినా.. ఏ కారణాలతో ఇబ్బంది వచ్చినా, అప్పటిదాకా జరిగిన ప్రక్రియ కొనసాగుతుంది తప్ప, ఆగిపోదన్నది కొందరు న్యాయ నిపుణుల అభిప్రాయం. అయితే, రాష్ట్రంలో స్థానిక ఎన్నికల నేపథ్యంలో తలెత్తిన హింస, కరోనా ఎఫెక్ట్, ఆర్డినెన్స్ల రగడ.. వెరసి, మళ్ళీ మొదటి నుంచి స్థానిక ఎన్నికల్ని నిర్వహించడమే మంచిదన్న వాదనలూ లేకపోలేదు.
‘ఈ మధ్యకాలంలో చాలా జరిగాయి.. ప్రభుత్వ పెద్దలు, సంక్షేమ పథకాల్ని ఎన్నికల ప్రచారం కోసం వాడుకున్నారు.. ప్రత్యర్థి పార్టీలకు చెందిన అభ్యర్థుల్ని భయాందోళనలకు గురిచేస్తున్నారు.. ఈ పరిస్థితుల్లో స్థానిక ఎన్నికల ప్రక్రియ మళ్ళీ కొత్తగా మొదలు కావాల్సిందే..’ అన్నది విపక్షాల వాదన. మరి, ఎవరి వాదన నెగ్గుతుంది.? ప్రభుత్వం తెచ్చిన కొత్త ఆర్డినెన్స్ ప్రకారమే అన్నీ జరుగుతాయా.? ఎక్కడ ఆగిందో, అక్కడినుంచే స్థానిక ఎన్నికల ప్రక్రియ కొనసాగుతుందా.? మళ్ళీ కొత్తగా ఎన్నికల ప్రక్రియ మొత్తం షురూ అవుతుందా.? వేచి చూడాల్సిందే.
353631 763504I discovered your web site site on google and check a couple of your early posts. Preserve within the top notch operate. I just extra up your Feed to my MSN News Reader. Seeking for toward reading far more of your stuff afterwards! 789592
117580 520412the most common table lamp these days still use incandescent lamp but some of them use compact fluorescent lamps which are cool to touch.. 509075