మనం సినిమా ఆఖర్లో అఖిల్ స్టన్నింగ్ ఎంట్రీ చూసి అక్కినేని అభిమానులు ఫుల్ ఖుషీ అయిపోయారు. ఇప్పటికి కట్ చేస్తే ఎవరూ కూడా అఖిల్ మూడు బ్యాక్ టు బ్యాక్ ప్లాప్స్ ఇస్తాడని ఊహించలేదు. అఖిల్ ఇంకా ఫస్ట్ హిట్ కూడా అందుకోకపోవడం నాగార్జునను కూడా కలవరపెడుతోంది. అందుకే అఖిల్ నాలుగో సినిమా బాధ్యతను అల్లు అరవింద్ చేతుల్లో పెట్టాడు నాగ్. అఖిల్ నాలుగో చిత్రం మోస్ట్ ఎలిజిబుల్ బ్యాచలర్ ఈపాటికే విడుదల కావాల్సి ఉంది కానీ కరోనా కారణంగా రిలీజ్ వాయిదా పడింది.
ప్రస్తుతం సినిమా వ్యవహారాలు ఏమీ లేని తరుణంలో నాగార్జున అఖిల్ నెక్స్ట్ సినిమాపై దృష్టి పెట్టినట్లు తెలుస్తోంది. అఖిల్ కోసం దర్శకుల వద్ద కథలు వింటున్నాడట. యువ దర్శకులను పిలిపించి అఖిల్ కోసం ఒక డీసెంట్ యూత్ ఫుల్ లవ్ స్టోరీ ను సెట్ చేయమని అడుగుతున్నట్లు తెలుస్తోంది. మంచి కథతో వస్తే నిర్మించడానికి నాగ్ కూడా సిద్ధంగానే ఉన్నాడు. ఆలస్యమైనా కూడా మంచి సినిమాతోనే అఖిల్ రావాలని భావిస్తున్నాడు నాగ్.
ఎందుకంటే మోస్ట్ ఎలిజిబుల్ బ్యాచలర్ సక్సెస్ పై నాగ్ కు నమ్మకముంది. ఒక హిట్ వచ్చిన తర్వాత వెంటనే మరో సక్సెస్ పడితే కెరీర్ కొంచెం సెట్ రైట్ అయినట్లే. ఇందుకోసమే నాగ్ స్పెషల్ కేర్ తీసుకుంటున్నట్లు తెలుస్తోంది.
మరోవైపు నాగ్ పెద్ద కొడుకు నాగ చైతన్య తనదైన శైలిలో సినిమాలు చేసుకుంటూ దూసుకుపోతున్నాడు. గతేడాది వరసగా రెండు సక్సెస్ లు కొట్టిన చై ప్రస్తుతం హ్యాట్రిక్ కోసం శేఖర్ కమ్ములతో కలిసి పనిచేస్తున్నాడు.