మెగాస్టార్‌ చిరంజీవి నేతృత్వంలో కరోనా క్రైసిస్‌ ఛారిటీ సినీ పరిశ్రమలో లాక్‌డౌన్‌ కారణంగా ఉపాధి కోల్పోయినవారికి సాయం చేసేందుకోసం ఏర్పాటయిన విషయం విదితమే. పలువురు సినీ ప్రముఖులు ఈ బృహత్‌ కార్యక్రమానికి చిరంజీవి నేతృత్వం వహించాల్సిందిగా కోరడం, చిరంజీవి అందుకు సమ్మతించడం తెల్సిన విషయాలే. దర్శక నిర్మాత దాసరి నారాయణరావు మరణం తర్వాత టాలీవుడ్‌కి ‘పెద్దన్న’ లోటు ఏర్పడింది. ఆ ‘పెద్దన్న’ ఇప్పుడు చిరంజీవి అయ్యారు. ఇందులో ఇంకో మాటకు తావు లేదు. పరిశ్రమకు ఏదన్నా సమస్య వస్తే.. ఆ సమస్యను చక్కదిద్దే క్రమంలో పెద్దన్న పాత్ర కీలకం. ఈ క్రమంలో చాలా రచ్చ సినీ పరిశ్రమలో చోటు చేసుకున్నా, చివరికి చిరంజీవి నాయకత్వాన్ని మెజార్టీ సినీ ప్రముఖులు బలపర్చారు.
అయితే, తెరవెనుక మాత్రం చిరంజీవి చుట్టూ ‘కుట్ర’ కొనసాగుతూనే వుంది. ఆ మధ్య విజయ్‌ దేవరకొండ, ‘ది దేవరకొండ ఫౌండేషన్‌’ తరఫున ప్రత్యేకంగా కార్యక్రమాలు చేపడితే, అది చిరంజీవికి వ్యతిరేకంగా.. అంటూ ప్రచారం చేశారు కొందరు. దీనికి ఓ సెక్షన్‌ ఆఫ్‌ మీడియా కూడా ఆజ్యం పోసింది. ‘మా చిరంజీవిగారు..’ అని ఎప్పుడైతే విజయ్‌ దేవరకొండ అన్నాడో.. ఆ తర్వాత ఇంకో తరహా వివాదాలు సృష్టించారు.. సినీ పరిశ్రమలో అలజడి సృష్టించేందుకూ ప్రయత్నాలు జరిగాయి. ఇప్పుడు, సినీ పరిశ్రమ కరోనా కారణంగా ఎదుర్కొంటున్న ఇబ్బందుల దృష్ట్యా చిరంజీవిని ముందు పెట్టి, ప్రభుత్వాలతో మంతనాలు జరిపేందుకు పరిశ్రమ పెద్దలు ప్రయత్నిస్తోంటే, మళ్ళీ కొత్త వివాదం మొదలైంది.
‘రియల్‌ ఎస్టేట్‌’ అంటూ బాలయ్య చేసిన వ్యాఖ్యలు, దాంతోపాటుగా ‘బీప్‌’ వర్డ్‌ ఆయన ఉపయోగించడం.. వెరసి పరిశ్రమలో తీవ్ర గందరగోళం నెలకొంది. చిరంజీవికి వ్యతిరేకంగా ఎవరూ ప్రస్తుతానికి నినదించకపోయినా, బాలయ్యకు మద్దతుగా మాట్లాడుతున్నవారిలో చాలామంది చిరంజీవిపై వ్యతిరేకతను పరోక్షంగానే చాటుకుంటున్నారు. అయినా, చిరంజీవికి ‘పెద్దన్న’ పాత్ర పోషించాల్సిన అవసరమేంటి.? అది ఆయన బాధ్యతగా భావించారు. ‘ఇదివరకటిలా సినిమాల్లో అమ్మడూ.. కుమ్ముడూ.. అంటూ వేషాలేయడం కుదరదు కాబట్టి.. వయసు మీద పడ్తోంది కాబట్టి..’ అంటూ ఓ అర్థం పర్థం లేని కామెంట్‌ చిరంజీవి మీద ఓ సెక్షన్‌ ఆఫ్‌ పీపుల్‌ లీకుల రూపంలో పంపుతున్నారు. సిగ్గుమాలిన కామెంట్‌ ఇది. చిరంజీవి స్టామినా ఏంటో.. ఆయన రీ-ఎంట్రీ చెప్పకనే చెప్పింది.
చిరంజీవి ఎవరితోనూ శతృత్వాన్ని కోరుకోరు. కెరీర్ బిగినింగ్‌ నుంచీ ఇప్పటిదాకా చిరంజీవిలో అందరితోనూ ‘కలివిడిగా’ వుండాలనే అనుకుంటారు. అదే ఆయన బలం, బలహీనత కూడా. చిరంజీవికీ బాలయ్యకీ సన్నిహిత సంబంధాలే వున్నాయనది అందరికీ తెల్సిన విషయమే. కానీ, బాలయ్య ఎందుకలా ‘బీప్‌’ పదాన్ని చిరంజీవి నేతృత్వంలో పరిశ్రమ శ్రేయస్సు కోసం జరుగుతున్న ప్రక్రియ విషయంలో ప్రస్తావించినట్లు.? అంటే, ఇక్కడ ఎవరో బాలయ్యను చిరంజీవిపైకి ఎగదోస్తున్నారన్నమాట. ఎవరది.? పరిశ్రమలో రకరకాల ఊహాగానాలు విన్పిస్తున్నాయి ఈ విషయమై. దానికి తోడు, ఓ సెక్షన్‌ ఆఫ్‌ మీడియా.. చిరంజీవిపై తమకున్న వ్యతిరేకతను ఇప్పుడిలా ఇంకాస్త వాడి వేడిగా వడ్డిస్తూ పండగ చేసుకుంటుండడం కొసమెరుపు.
380416 237638wohh precisely what I was looking for, thankyou for putting up. 224330