పవర్ స్టార్ పవన్ కళ్యాణ్ కెరీర్ లో గబ్బర్ సింగ్ చిత్రం చాలా స్పెషల్. వరస ప్లాపుల తర్వాత పవన్ ఫ్యాన్స్ నిరాశలో కూరుకుపోయిన సమయంలో వచ్చిన సినిమా అది. ఎప్పటికీ పవన్ ఫ్యాన్స్ కు గబ్బర్ సింగ్ చాలా స్పెషల్ అనడంలో ఎటువంటి సందేహం లేదు. అందుకే రీసెంట్ గా గబ్బర్ సింగ్ విడుదలై ఎనిమిదేళ్లు పూర్తైన సందర్భంగా ఫ్యాన్స్ పండగ చేసుకున్నారు. ట్విట్టర్ లో స్పెషల్ హ్యాష్ ట్యాగ్ ఒకటి క్రియేట్ చేసి రికార్డ్ సృష్టించారు. ఈ చిత్రానికి హరీష్ శంకర్ దర్శకుడు. ఇప్పుడు వీరిద్దరూ మరోసారి కలిసి పనిచేయబోతున్న విషయం తెల్సిందే.
పవన్ కళ్యాణ్ – హరీష్ శంకర్ కాంబినేషన్ లో చిత్రం రానుంది. ఈ సినిమా ప్రస్తుతం స్క్రిప్టింగ్ దశలో ఉంది. ఈ సినిమా అనౌన్స్ అయిన దగ్గరనుండి రకరకాల రూమర్స్ వస్తున్నాయి. రీసెంట్ గా అవి మరింత ఎక్కువయ్యాయి. ఈ సినిమాలో హీరోయిన్ గా మానస రాధాకృష్ణన్ ఎంపికయిందని వార్తలు వచ్చాయి. అలాగే ఈ సినిమాకు ఇప్పుడే మొదలైంది అన్న టైటిల్ ను ఖరారు చేసినట్లు చెబుతున్నారు. రీసెంట్ గా హరీష్ శంకర్ ఈ మాటను రెండు మూడు సార్లు వాడడంతో దాన్నే ఫిక్స్ చేసేసారు.
దీంతో హరీష్ శంకర్ వివరణ ఇవ్వాల్సి వచ్చింది. ఈ సినిమాకు ఇంకా ఏ టైటిల్ అనుకోలేదని, హీరోయిన్ కూడా ఫిక్స్ అవ్వలేదని, ఈ విషయంలో వస్తున్న రూమర్స్ ను పట్టించుకోవద్దని తెలిపాడు. గబ్బర్ సింగ్ ఇంటర్వెల్ డైలాగ్ గా ఇప్పుడే మొదలైంది అని వస్తుంది. మా కాంబోలో వస్తున్న సినిమా కావడంతో సరదా కోసం ఆ డైలాగ్ ను వాడాను. అంతే. ఈ సినిమాకు స్క్రిప్ట్ వర్క్ దాదాపు పూర్తయింది. త్వరలోనే దేవితో కలిసి మ్యూజిక్ సిట్టింగ్స్ కు కూర్చోవాలి అని తెలిపాడు.
767610 443712An intriguing discussion will probably be worth comment. I think that you basically write much far more about this topic, it might become a taboo subject but generally consumers are inadequate to communicate in on such topics. To one more. Cheers 58077
410667 522416Its outstanding as your other posts : D, regards for posting . 606183