ఉమ్మడి ఆంధ్రప్రదేశ్లోనూ పోతిరెడ్డిపాడు వ్యవహారం రాజకీయంగా పెను దుమారం రేపింది. కృష్ణా నది నుంచి రాయలసీమకు నీళ్ళు తరలించే ఈ హెడ్ రెగ్యులుటర్ సామర్థ్యాన్ని పెంచుతూ వైఎస్ రాజశేఖర్రెడ్డి ప్రభుత్వం నిర్ణయం తీసుకోవడం అప్పట్లో పెను రాజకీయ ప్రకంపనలు సృష్టించింది. మళ్ళీ ఇప్పుడు ఇంత కాలానికి ఈ వివాదం మళ్ళీ ఆ స్థాయికి చేరుకునేలా కన్పిస్తోంది.
కరోనా వైరస్ సహా అనేక సమస్యల నడుమ ప్రజల దృష్టిని మరల్చేందుకు ‘పోతిరెడ్డిపాడు’ అంశం తెరపైకొచ్చిందా.? అంటే, అవుననే వాదన విన్పిస్తుండడం గమనార్హం. ఆంధ్రప్రదేశ్ ముఖ్యమంత్రి వైఎస్ జగన్ మోహన్రెడ్డి – తెలంగాణ ముఖ్యమంత్రి కల్వకుంట్ల చంద్రశేఖర్రావు ఏడాది కాలంగా కలిసి మెలిసి ముందుకు నడుస్తున్నారు.
గోదావరి నీటి వినియోగం, కృష్ణా నది నీటి వినియోగంపై ఎప్పటికప్పుడు ఇరువురి మధ్యా చర్చలు జరుగుతున్నాయి. మరి, ఏ సందర్భంలోనూ పోతిరెడ్డిపాడు అంశం ప్రస్తావనకు రాలేదా.? సంగమేశ్వరం నుంచి నీటిని ఎత్తిపోసేలా రూపొందించిన కొత్త ప్రాజెక్ట్ అంశంపై ఇద్దరూ చర్చించలేదా.? అన్న అనుమానం కలగడం సహజమే.
నిజానికి, ఇది సెంటిమెంట్తో కూడిన వ్యవహారం. ఇందులో లాజిక్లు ఎవరికీ అనవసరం. లేకపోతే, ఏళ్ళతరబడి రాయలసీమలో ‘ఎడారి’ పరిస్థితులు ఎందుకు కొనసాగుతాయి.? మొన్నామధ్య కృష్ణా నదికి కనీ వినీ ఎరుగని స్థాయిలో వరదలొచ్చాయి. ఆ నీరు ఏమయ్యింది.?
బ్రిజేష్ కుమార్ ట్రిబ్యునల్ లెక్కల ప్రకారం ఉమ్మడి రాష్ట్రానికి 811 టీఎంసీల నీరు వాడుకునే హక్కుంది. ఉమ్మడి రాష్ట్రం విభజనతో కేంద్రం తాత్కాలిక సర్దుబాటు ప్రాతిపదిక ఆంధ్రప్రదేశ్కి 512, తెలంగాణకి 299 టీఎంసీలను పంపిణీ చేస్తూ 2015లో ఆదేశాలు జారీ చేసింది. అయినాసరే, తెలంగాణ వాదనలు తెలంగాణవే. ఆంధ్రప్రదేశ్ వాదనలు ఆంధ్రప్రదేశ్వే. ‘వాటాలకు లోబడి మాత్రమే’ అని చెప్పే మాటలు నీటి మీద రాతల్లాంటివే.
ఇక, తెలంగాణలో గత ఆరేళ్ళలో చాలా కొత్త ప్రాజెక్టులొచ్చాయి. కానీ, ఆంధ్రప్రదేశ్ మాత్రం చేతులెత్తేసింది. ఇప్పుడు ఎంత యాగీ చేసినా, తెలంగాణ వాదన ముందు వీగిపోవడం తప్ప.. ఆంధ్రప్రదేశ్ తన వాదనకు మద్దతు కూడగట్టుకునే పరిస్థితి వుండదు. ఇదిలా వుంటే, ఈ యాగీ కేవలం టీ కప్పులో తుపాను మాత్రమేనని తెలంగాణ జన సమితి అధ్యక్షుడు ప్రొఫెసర్ కోదండరామ్ పెద్ద ‘బాంబు’ పేల్చారు. చూస్తోంటే, కోదండరామ్ మాటల్లోనూ నిజం లేకపోలేదన్పిస్తోంది.
289367 594259I got what you intend, saved to my bookmarks , really decent site . 825112
563799 718147 very good post, i undoubtedly enjoy this site, keep on it 734572
646267 176126There is noticeably a great deal of money to understand about this. I assume youve created certain good points in capabilities also. 322577