ఒక సినిమాకు ఎన్ని అవాంతరాలు రావొచ్చో అన్నీ ఇండియన్ 2 ఫేస్ చేసింది. రెండు దశాబ్దాల క్రితం విడుదలైన ఇండియన్/భారతీయుడు చిత్రానికి సీక్వెల్ గా ఇప్పుడు ఇండియన్ 2 తెరకెక్కుతోంది. కథా చర్చల నుండి ఈ సినిమాకు ఎన్నో అవాంతరాలు ఎదురయ్యాయి. ఏళ్లకు ఏళ్ళు చర్చల తర్వాత ఏడాదిన్నర క్రితం ఈ సినిమా షూటింగ్ మొదలైంది. అయితే కొన్ని రోజులకే కమల్ హాసన్ కు మేకప్ పడక కొన్ని రోజులు షూటింగ్ ఆగిపోయింది. తర్వాత దర్శకుడు, నిర్మాత మధ్య విబేధాల కారణంగా మరికొన్ని రోజులు, అంతా సెట్ అయింది అనుకుంటే సెట్ లో క్రేన్ ప్రమాదం వల్ల మరికొన్ని రోజులు షూటింగ్ ఆగిపోయింది. అంతా జరిగి సినిమా యూనిట్ తేరుకుని షూటింగ్ కు తిరిగి సిద్ధమవుతుంటే లాక్ డౌన్ ప్రభావం వల్ల సినిమా షూటింగ్ మొదలుపెట్టలేని పరిస్థితి నెలకొంది.
అయితే గత కొన్ని రోజుల నుండి ఈ సినిమా మీద రూమర్స్ మొదలయ్యాయి. నిర్మాత, దర్శకుడి మధ్య విబేధాలు పెరిగిపోయాయని ఇక ఇండియన్ 2 ముందుకు వెళ్లడం జరగని పని అని రూమర్స్ ఎక్కువయ్యాయి. దీని పట్ల నిర్మాణ సంస్థ లైకా ప్రొడక్షన్స్ స్పందించింది. సినిమా 60 శాతం షూటింగ్ ను పూర్తి చేసుకుంది. అంత సినిమా పూర్తి చేసి ఇప్పుడు ఎందుకు పక్కన పెడతామని, ఇప్పటికే బోలెడంత ఖర్చు పెట్టామని, షూటింగ్ లకు అనుమతి లభించిన వెంటనే షూటింగ్ ప్రారంభమవుతుందని తెలిపింది. ఈ చిత్రంలో కాజల్ అగర్వాల్, రకుల్ ప్రీత్, సిద్ధార్థ్ తదితరులు కీలక పాత్రల్లో నటిస్తున్నారు.
990549 39865Some genuinely nice stuff on this internet internet site , I enjoy it. 923568