ప్రపంచం మొత్తం కరోనాతో అతలాకుతలమవుతున్న తరుణంలో ప్రముఖ పర్యాటక రాష్ట్రమైన గోవా కరోనా రహితంగా మారింది. దేశంలో ఒక్క కరోనా కేసు కూడా లేని తొలి రాష్ట్రంగా నిలిచింది. ఈనెల 3న అక్కడ చివరి పాజిటివ్ కేసు నమోదు కాగా, ఇప్పటివరకు పాజిటివ్ గా నిర్ధారణ అయినవారంతా కోలుకుని ఇంటికి వెళ్లిపోయారు. ఇదంతా ఎలా సాధ్యమైందంటే.. ఆ రాష్ట్రం ముందుచూపే ఇందుకు కారణమని చెప్పొచ్చు.
చిన్న రాష్ట్రమైన గోవా జనాభా 16 లక్షల కంటే తక్కువే. దేశంలో కరోనా కల్లోలం మొదలు కాగానే మిగిలిన రాష్ట్రాల కంటే ముందుగానే గోవా మేల్కొంది. పర్యాటక ప్రాంతం కావడంతో ప్రపంచంలోని వివిధ దేశాల నుంచి ఇక్కడకు ఎక్కువగా పర్యాటకులు వస్తుంటారు కాబట్టి, త్వరగా కరోనా సోకే ప్రమాదం ఉందని గ్రహించి విమానాశ్రయాల్లో స్క్రీనింగ్ పరీక్షలు అందరి కంటే ముందుగానే మొదలుపెట్టింది.
ప్రధాని నరేంద్ర మోదీ జనతా కర్ఫ్యూ ప్రకటించడానికి ముందుగానే గోవా ముఖ్యమంత్రి ప్రమోద్ సావంత్ కొన్ని చర్యలు చేపట్టారు. రోడ్డు పక్క దుకాణాలు మూయించివేయడం దగ్గర నుంచి ప్రజా రవాణాను పరిమితం చేయడం వంటి పలు లాక్ డౌన్ చర్యలు ముందుగానే తీసుకున్నారు. దేశంలో లాక్ డౌన్ ప్రకటించిన అనంతరం మార్చి 25న గోవాలో తొలి కరోనా కేసు నమోదైంది. దీంతో లాక్ డౌన్ ను మరింత కఠినంగా అమలు చేశారు. ఏప్రిల్ 3న చివరి కేసు వెలుగు చూసింది.
మొత్తమ్మీద కరోనా లక్షణాలు కలిగిన, వారితో కాంటాక్టు ఉన్న 800 మందికి పరీక్షలు నిర్వహించగా.. ఏడుగురికి పాజిటివ్ అని నిర్ధారణ అయింది. ఏప్రిల్ 15 నాటికి ఆరుగురు కోలుకుని ఇంటికి వెళ్లిపోగా.. ఆదివారం ఏడో వ్యక్తి కూడా కోలుకుని డిశ్చార్జి అయ్యాడు. దీంతో కరోనా కేసులు లేని తొలి రాష్ట్రంగా గోవా రికార్డు సృష్టించింది. దీంతో కేంద్రం నిర్ణయం మేరకు సోమవారం నుంచి లాక్ డౌన్ మినహాయింపులు వర్తింపజేస్తోంది.
అయితే, ప్రజలు భౌతిక దూరం పాటించే విషయలో కఠినంగానే వ్యవహరిస్తోంది. బైక్ పై ఒకరు మాత్రమే వెళ్లాలని, కారులో డ్రైవర్ కాకుండా మరో వ్యక్తికి మాత్రమే ప్రయాణించాలని పోలీసులు స్పష్టంచేస్తున్నారు. పైగా కారులో రెండో వ్యక్తి డ్రైవర్ పక్క సీటులో కాకుండా తప్పనిసరిగా వెనుక సీటులోనే కూర్చోవాలని నిర్దేశిస్తున్నారు. వీటిని ఉల్లంఘిస్తే జరిమానాలు విధిస్తున్నారు.
కరోనా రహిత తొలి రాష్ట్రంగా ఉన్న గోవాలో మళ్లీ ఒక్క కేసు కూడా నమోదు కాకుండా చూడాలనే లక్ష్యంతో అటు ప్రభుత్వం, ఇటు పోలీసులు ముందుకెళ్తున్నారు. మరోవైపు తాజాగా మణిపూర్ సైతం కరోనా రహిత రాష్ట్రంగా నిలిచింది. ఇక్కడ రెండు పాజిటివ్ కేసులు రాగా, ఇరువురూ కోలుకున్నారు.
193555 351539This internet internet site is my breathing in, very wonderful pattern and perfect content material . 331728
969266 938697There is noticeably a bundle to understand about this. I assume you created specific good points in functions also. 290454
762498 729816Howdy just wanted to give you a brief heads up and let you know a couple of with the pictures arent loading properly. Im not positive why but I think its a linking problem. Ive tried it in two different internet browsers and both show the same outcome. 910223