ఏది నిజం.? ఏది అబద్ధం.? ఏమీ అర్థం కాని పరిస్థితి. ‘అధికారిక సమాచారాన్ని మాత్రమే విశ్వసించండి.. పుకార్లను అస్సలేమాత్రం నమ్మొద్దు.. లాక్‌డౌన్‌ కొనసాగింపు ఆలోచనల్లేవు..’ అని ఓ పక్క కేంద్ర ప్రభుత్వం స్పష్టంగా చెబుతున్నా, ఏప్రిల్ 14 తర్వాత నిజంగానే లాక్‌ డౌన్‌ ఎత్తేస్తారా.? లేదంటే, కొనసాగిస్తారా.! అన్నదానిపై ఇంకా అనుమానాలు అలాగే వున్నాయి. ఓ వారం రోజులపాటు ‘సడలింపు’ ఇచ్చి, మళ్ళీ లాక్‌ డౌన్‌ కొనసాగిస్తారంటూ పుకార్లు షికార్లు చేస్తున్నాయి.
అయితే, ఆ పరిస్థితి వుండకపోవచ్చనీ, ఏప్రిల్ 14తో లాక్‌ డౌన్‌ ముగుస్తుందనీ.. అదే సమయంలో కొన్ని రోజులపాటు కొన్ని ఆంక్షలు కొనసాగుతాయనీ ఢిల్లీ వర్గాల నుంచి లీకులు పుట్టుకొస్తున్నాయి. లాక్‌ డౌన్‌ ఎదుర్కోవడం ఇటు ప్రజలకే కాదు, అటు కేంద్ర ప్రభుత్వానికీ చాలా కష్టమైన వ్యవహారం. రాష్ట్ర ప్రభుత్వాల సంగతి సరే సరి. లాక్‌ డౌన్‌ అనేదే తప్పనిసరి పరిస్థితుల్లో పుట్టుకొచ్చిన వ్యవహారం. కరోనా వైరస్‌కి అడ్డుకట్ట వేయడానికి ‘సోషల్‌ డిస్టెన్స్‌’ తప్ప ఇంకో మార్గం లేదు గనుక, ఆర్థికంగా తీవ్ర నష్టమని తెలిసీ కేంద్రం లాక్‌ డౌన్‌ని ప్రకటించింది.
లాక్‌ డౌన్‌ దెబ్బకి రాష్ట్రాలు తీవ్ర ఆర్థిక సంక్షోభంలో కూరుకుపోతున్నాయంటూ ఆర్థిక రంగ నిపుణులు చెబుతున్నారు. అదే సమయంలో, లాక్‌డౌన్‌ని ఇంకొన్నాళ్ళు కొనసాగించకపోతే, దేశ ప్రజలు చేసిన త్యాగానికి అర్థం వుండదనే చర్చ కూడా తెరపైకొస్తోంది. కేసుల తీవ్రత రోజురోజుకీ పెరిగిపోతున్న నేపథ్యంలో, ఇప్పుడు లాక్‌డౌన్‌ని ఎత్తివేయడం వల్ల పరిస్థితి మళ్ళీ మొదటికి వస్తుందన్నది వారి వాదన.
ఏదిఏమైనా, దేశం ముందెన్నడూ ఎదుర్కోనంత పెద్ద విపత్తు ఇది. ఈ విపత్తు నుంచి దేశం బయటపడాలని 130 కోట్ల మంది ప్రజానీకం ముక్తకంఠంతో కోరుకుంటోంది. కష్ట కాలంలో మనమంతా ఒక్కటేనని ఇప్పటికే పలుసార్లు భారతీయులమంతా నినదించాం.. నిరూపించాం.. నిరూపిస్తున్నాం కూడా. ఈ నేపథ్యంలో ‘మళ్ళీ లాక్‌డౌన్‌’ వంటి పుకార్లపై ఇంకోసారి కేంద్రం స్పష్టతనివ్వాల్సి వుంటుంది.
40834 280958Sorry for the huge review, but Im truly loving the new Zune, and hope this, as well as the exceptional reviews some other men and women have written, will support you decide if its the best choice for you. 908749
9874 984935hi and thanks for the actual blog post ive lately been looking regarding this specific advice on-line for sum hours these days as a result thanks 864987