కరోనా కారణంగా దేశ వ్యాప్తంగా లాక్‌డౌన్‌ అమల్లో ఉన్న విషయం తెల్సిందే. ప్రధాని నరేంద్ర మోడీ లాక్‌ డౌన్‌ను విధించక ముందే తెలుగు రాష్ట్రాల్లో థియేటర్లు క్లోజ్‌ అయ్యాయి. లాక్‌ డౌన్‌తో థియేటర్ల బంద్‌ కొనసాగుతూనే ఉన్నాయి. లాక్‌డౌన్‌ను ఏప్రిల్ 14 వరకు కొనసాగించాల్సిందే అంటూ ప్రధాని సీరియస్‌గా చెప్పిన నేపథ్యంలో దేశ వ్యాప్తంగా పోలీసులు కట్టుదిట్టమైన చర్యలు తీసుకుంటూ కర్ఫ్యూ వాతావరణం కనిపించేలా జాగ్రత్తలు తీసుకుంటున్నారు.
తాజాగా సీఎంలతో ప్రధాని నరేంద్ర మోడీ కరోనా వైరస్‌ నేపథ్యంలో వీడియో కాన్ఫరెన్స్‌ నిర్వహించిన విషయం తెల్సిందే. ఈ నేపథ్యంలో కొందరు ముఖ్యమంత్రులు లాక్‌ డౌన్‌ను కొనసాగించాల్సిన అవసరం ఉందని అభిప్రాయం వ్యక్తం చేస్తే మరికొందరు మాత్రం మెల్ల మెల్లగా లాక్‌ డౌన్‌ను ఎత్తి వేయాలని దశలవారీగా లాక్‌ డౌన్‌ను ఎత్తివేయడం వల్ల ప్రయోజనాలు ఉన్నాయంటూ అభిప్రాయం వ్యక్తం చేశారు.
దశల వారీగా అంటే అత్యంత ముఖ్యమైన వాటిని మొదట లాక్‌ డౌన్‌ నుండి తప్పిస్తారు. ఆ క్రమంలో చూస్తే స్కూల్స్‌ ఇంకా థియేటర్లు చివర్లో ఓపెన్‌ చేసే అవకాశం ఉంటుందని విశ్లేషకులు అభిప్రాయం వ్యక్తం చేస్తున్నారు.
లాక్‌ డౌన్‌ను దశలవారీగా ఎత్తి వేయడం అనేది జరిగితే మాత్రం ఏప్రిల్ చివరి వరకు లేదంటే మే మొదటి లేదా రెండవ వారం వరకు కూడా థియేటర్లు ఓపెన్‌ అయ్యే పరిస్థితి ఉండదనిపిస్తుంది. ఒకవేళ ఏప్రిల్‌లోనే థియేటర్లు ఓపెన్‌ చేసినా కూడా సినిమాల విడుదలకు నిర్మాతలు ఆసక్తిగా లేరు అనిపిస్తుంది.
ఎందుకంటే ప్రేక్షకులు మళ్లీ థియేటర్లకు రావాలంటే కనీసం రెండు నెలలు అయినా సమయం పడుతుంది. కరోనా గురించి పూర్తిగా భయాలు తొలగి పోయే వరకు థియేటర్లకు ప్రేక్షకులు వచ్చే అవకాశం లేదు. అందుకే థియేటర్లపై లాక్‌ డౌన్‌ ను కొనసాగించినా వచ్చే నష్టం ఏమీ లేదని కొందరు అంటున్నారు. అయితే షూటింగ్స్‌ మాత్రం ప్రారంభం అయ్యే అవకాశం ఉంది అంటున్నారు. ఏప్రిల్ 14 న కాకుండా రెండవ దశలోనో మూడవ దశలోనే షూటింగ్స్‌కు పర్మీషన్‌ ఇచ్చే ఛాన్స్‌ ఉందంటున్నారు.
308673 950760Hello there, just became alert to your weblog via Google, and identified that its truly informative. Im gonna watch out for brussels. I will appreciate if you continue this in future. Plenty of individuals will probably be benefited from your writing. Cheers! xrumer 994060
90430 375496I feel other web site owners should take this site as an model, extremely clean and superb user genial style and style . 657707